(မှုခင်း)ဇွန် ၅
![](https://positiveanglenews.com/storage/2024/06/IMG-93ed0e115a6877adfd56ba5f7f6ef1f0-V.jpg)
မြန်မာ – ထိုင်းနယ်စပ်ဒေသ တာချီလိတ်မြို့တွင် ဆိုင်ကယ်သူခိုး (၅)ဦးကို ဖမ်းဆီးရမိပြီး ဆိုင်ကယ် (၂၁)စီးပြန်လည်သိမ်းဆည်းရမိကြောင်း နှင့် လတ်တလောတွင် ထောင်ဒဏ် (၇)နှစ်အထိ ချမှတ်နိုင်သော ပုဒ်မများဖြင့် အမှုဖွင့်ထားကြောင်း သိရသည်။
![](https://positiveanglenews.com/storage/2024/06/IMG-3f23d84fc1229ba0b6a5658e586f4b39-V.jpg)
တာချီလိတ်မြို့ ရန်အောင်မြေ(ပါလျှံ)ရပ်ကွက်အတွင်း ဆိုင်ကယ်မျာယအား ခိုးယူခဲ့သည့် ပိုင်သွင်ဦး (ခ) ပိုင်ပိုင်အား ကနဦး ဖမ်းဆီးရမိပြီးနောက် ၎င်းအား စစ်ဆေးရာမှ ဇွဲသက်ပိုင်(ခ)ငဇွဲ ၊ ရဲဟိန်းထွဋ် (ခ)ပေါက်ခေါ ၊ သန်းဆွေ (ခ)ဟိန်းစိုး နှင့် စိုင်းသူရအောင်တို့ကို ထပ်မံ ဖမ်းမိခဲ့ကြောင်း သိရသည်။
![](https://positiveanglenews.com/storage/2024/06/IMG-c2bd7133a05d90d5688835fc5c4fc76b-V-1024x722.jpg)
ဆိုင်ကယ်ခိုးခံရပြီး နယ်ဝေးရောက်နေသူများအနေဖြင့် ဟောင်လိတ်နယ်ရဲစခန်းအား ဆက်သွယ်မေးမြန်းနိုင်ကြောင်း တာချီလိတ်ခရိုင်ရဲတပ်ဖွဲ့မှူးရုံးက အသိပေးထားကြောငိး သိရသည်။
ဖမ်းဆီးရမိထားသည့် ဆိုင်ကယ်သူခိုး (၅)ဦးကို ဟောင်လိတ်နယ်မြေရဲစခန်းတွင် ရာဇသတ်ကြီးပုဒ်မ ၃၈၀ / ၁၁၄ / ၄၁၄ တို့ဖြင့် အမှုဖွင့်အရေးယူထားကြောင်း သိရသည်။