(နိုင်ငံတကာ)မေ ၂၃
ထိုင်ဝမ်သမ္မတသစ် လိုင်ချန်းတီ၏ ကျမ်းကျိန် သစ္စာဆိုပွဲအပြီး ပြစ်ဒဏ်ခတ်သည့်အနေဖြင့် တရုတ်က ထိုင်ဝမ်အနီးစစ်ရေးလေ့ကျင့်ခဲ့ကြောင်း သိရသည်။
တရုတ်ပြည်သူ့ လွတ်မြောက်ရေးတပ်မတော် (PLA) အရှေ့ဘက်ကွပ်ကဲရေးဌာနချုပ်မှ လုပ်ဆောင်ခဲ့သည့် နှစ်ရက်ကြာ ပြုလုပ်ခဲ့သည့် စစ်ရေးလေ့ကျင့်မှုတွင် ကြည်း၊ ရေ၊ လေတပ်ဖွဲ့ဝင်များ ဒုံးပျံတပ်ဖွဲ့ဝင်များပါဝင်ခဲ့ကြောင်း သိရသည်။
အဆိုပါ စစ်ရေးလေ့ကျင့်မှုသည် တရုတ်ပြည်မကြီးနှင့် ထိုင်ဝန်ကျွန်းစုကြားရှိ ကျဉ်းမြောင်းသော ထိုင်ဝမ်ရေလက်ကြားတွင် ကျင်းပခဲ့ကြောင်း ထုတ်ပြန်ထားသည်။
PLA ၏ ရေတပ်ကွပ်ကဲမှုအဖွဲ့ ပြောရေးဆိုခွင့်ရှိသူ ဗိုလ်မှူးကြီး Li Xi က အဆိုပါ စစ်ရေးလေ့ကျင့်မှုသည် ထိုင်ဝမ်၏ ခွဲထွက်ရန်ကြိုးပမ်းမှုလုပ်ရပ်များအတွက် ပြင်းထန်သည့် သတိပေးမှုဖြစ်ကြောင်း ပြောဆိုခဲ့သည်။
တရုတ်သည် ထိုင်ဝမ်နိုင်ငံအနေဖြင့် ၎င်း၏နယ်မြေ၏ အစိတ်အပိုင်းဖြစ်ပြီး ၎င်းကို ဘယ်သောအခါမှ ခွဲထွက်ခွင့်ပြုမည်မဟုတ်ပဲ လိုအပ်ပါက အင်အားသုံး၍ ထိုင်ဝမ်ကျွန်းကို သိမ်းယူမည်ဟု ကတိပြုထားသည်။
Telegram»…
https://t.me/positiveanglenews