(ပြည်တွင်း) မေ ၁၉
![](https://positiveanglenews.com/storage/2024/05/image-293.png)
မန္တလေးတိုင်းဒေသကြီး၊ ပျော်ဘွယ်မြို့နယ်၊ ကန်သာကျေးရွာအုပ်စု၊ ဆွဲမှန်ကျေးရွာရှိ “ဖူးပြည့်စုံ” ကော်ခုတ်စက်ရုံ၌ ယနေ့ မွန်းတည့် ၁၂ နာရီ ၂၅ မိနစ် အချိန်ခန့်က မီးလောင်မှုဖြစ်ပွားသဖြင့် မီးသတ်တပ်ဖွဲ့ဝင်များမှ သွားရောက်ငြိမ်းသတ်ခဲ့ရာ မွန်းတည့် ၁၂ နာရီ ၄၄ မိနစ်အချိန်ခန့်တွင် မီးငြိမ်းသွားခဲ့ကြောင်း သိရှိရသည်။
![](https://positiveanglenews.com/storage/2024/05/image-294.png)
မီးလောင်မှုဖြစ်စဥ်မှာ ပျော်ဘွယ်မြို့နယ်၊ ကန်သာကျေးရွာအုပ်စု၊ ဆွဲမှန်ကျေးရွာ၊ ကုလားမကွင်း အမှတ် (၁၉၀) ရှိ ဦးဆန်းမင်းဦး၊ ၄၅ နှစ်၊ “ဖူးပြည့်စုံ” ကော်ခုတ်စက်ရုံ ပိုင်ရှင်၊ ကန်သာကျေးရွာအုပ်စု၊ ဆွဲမှန်ကျေးရွာနေသူ ပိုင်ဆိုင်သည့် “ဖူးပြည့်စုံ” ကော်ခုတ် စက်ရုံအတွင်း ပလပ်စတစ်ဗူးခွံနှင့် ဆိုင်ကယ် ကာဗာများ ပုံထားသည့် ပစ္စည်းအဟောင်းပုံတွင် အပူရှိန်လွန်ကဲရာမှ မီးစတင် လောင်ကျွမ်းခဲ့ခြင်းဖြစ်ကြောင်း သိရှိရသည်။
![](https://positiveanglenews.com/storage/2024/05/image-295.png)
မဆိုပါ မီးလောင်ကျွမ်းမှုကြောင့် လူနေအိမ် အဆောက်အဦးတို့အား မီးလောင်ကျွမ်းခြင်းမရှိဘဲ ပလတ်စတစ် ဗူးခွံ၊ ဆိုင်ကယ် ကာဗာစသည့် ပစ္စည်း အဟောင်းများပုံထားသည့် ပစ္စည်းအဟောင်းပုံသာ မီးလောင်ကျွမ်းခဲ့ပြီး ကာလတန်ဖိုး ၂၀၀၀၀ဝိ/-(နှစ်သိန်းကျပ်ခန့်) ပျက်စီးဆုံးရှုံးခဲ့ကြောင်းနှင့် ပလတ်စတစ်ဗူးခွံ ၊ ဆိုင်ကယ်ကာဗာ စသည့် ပစ္စည်း အဟောင်းများအား စည်းကမ်းမဲ့ထားရှိရာမှ မီးလောင်ကျွမ်းမှု ဖြစ်စေသူ စက်ရုံပိုင်ရှင် ဦးဆန်းမင်းဦး အား ဥပဒေအရ အမှုဖွင့်အရေးယူထားကြောင်း သတင်းရရှိသည်။
Telegram>>…
https://t.me/positiveanglenews/22740?single