(ပြည်တွင်း)မေ ၁၅
မန္တလေးတိုင်းဒေသကြီး၊ မလှိုင်မြို့နယ်၊ အိုင်မရိုးကျေးရွာ မြောက်ဘက်(၁)မိုင်ခန့်အကွာတွင် အမည်မသိ အမျိုးသား ၂ ဦး သေနတ်ဒဏ်ရာများနှင့် လဲကျ သေဆုံးနေကြောင်း သိရသည်။
ယမန်နေ့ ညနေ ၆ နာရီ ၄၅ မိနစ်အချိန်ခန့်က မလှိုင်မြို့နယ်၊ အိုင်မရိုးကျေးရွာမြောက်ဘက် ၁ မိုင်ခန့်အကွာ၊ မလှိုင်-နွားထိုးကြီးသွား မြို့နယ်ချင်းဆက် ကားလမ်းဘေးတွင် 7P/3625၊ Light Truck အဖြူရောင်မော်တော်ယာဉ် ၁ စီးအား ကုန်ပစ္စည်းများ ပြန့်ကြဲလျက် ရပ်တန့်ထားသည်ကို တွေ့ရှိပြီး ၎င်းယာဉ်နှင့် ပေ ၁၀၀ ခန့် အကွာ ကားလမ်း၏ ဝဲဘက်ခြမ်းယာခင်းထဲ၌ ကိုမောင်ကြည်၊ ၄၈ နှစ်၊(ဘ)ဦးကောင်းမှီ၊ တောင်သူ၊ သရက်ကန်မြောက်ရွာ၊ မလှိုင်မြို့နယ်နေသူတွင် ယာ-နားနောက် ဦးခေါင်း နောက်စေ့ ဖောက်ဝင်ဒဏ်ရာ၊ လည်ပင်း ဖောက်ဝင်ဒဏ်ရာ၊ ဝဲ-ရင်ညွန့် ဖောက်ဝင်ဒဏ်ရာ၊ ယာ-ပုခုံး ပွင့်ထွက်ဒဏ်ရာ၊ ဝဲ-ခါး ဖောက်ဝင်ဒဏ်ရာများဖြင့် လည်းကောင်း၊ ကိုကျော်ဇောလင်း(ခ)ချစ်ပီး၊ ၃၃ နှစ်၊ (ဘ)ဦးဖိုးရီ၊ ယာဉ်မောင်း၊သရက်ကန်မြောက်ရွာ၊ မလှိုင်မြို့နယ်နေသူတွင် ဦးခေါင်း ပွင့်ထွက်ဒဏ်ရာ၊ ယာ-လက်မောင်း/ယာ-လက်ဖျံ စုတ်ပြဲကျိုးပဲ့ ဒဏ်ရာများဖြင့်လည်းကောင်း သေဆုံးလျက် တွေ့ရှိခဲ့ကြောင်း သိရသည်။
ဖြစ်စဥ်မှာ သေဆုံးသူ ကိုမောင်ကြည်နှင့် ကိုကျော်ဇောလင်းတို့သည် မလှိုင်မြို့မှ ဈေးဝယ်ကာ မော်တော်ယာဉ်ဖြင့် ပြန်လာစဉ် ၎င်းအခင်းဖြစ်နေရာအနီး အရောက်၌ အကြမ်းဖက် သောင်းကျန်း သူများက ကားအား ရပ်တန့်ခိုင်းပြီး ကိုမောင်ကြည်နှင့် ကိုကျော်ဇောလင်းတို့အား ကားပေါ်မှဆွဲချကာ အကြမ်းဖက် သောင်းကျန်းသူအဖွဲ့မှ သေနတ်ဖြင့် ပစ်ခတ်သတ်ဖြတ် ထွက်ပြေးသွားခဲ့ ကြောင်း၊ အခင်းဖြစ်နေရာအနီးမှ အမျိုးအစား(စီစစ်ဆဲ) ကျည်ခွံ ၅ ခွံအား တွေ့ရှိသိမ်းဆည်းရမိခဲ့ကြောင်း သိရှိရသည်။
Telegram»…
https://t.me/positiveanglenews/22605?single