(အားကစား) မေ ၁၄
ယမန်နေ့က ကစားခဲ့တဲ့ ဘိုချန်အသင်းနဲ့ပွဲစဉ်မှာ နည်းပြအလွန်ဆိုရဲ့ လေဗာကူဆင်အသင်းက (၅)ဂိုးပြတ်နဲ့ အနိုင်ရခဲ့တာကြောင့် ပြိုင်ပွဲစုံ ပွဲပေါင်း(၅၀)ဆက်တိုက် ရှုံးပွဲမရှိစံချိန်ကို ဆက်ထိန်းနိုင်ခဲ့ပါတယ်။
ဘိုချန်အသင်းဟာ ပွဲချိန် (၁၅)မိနစ်မှာတင် တစ်ယောက်ထုတ်ခံခဲ့ရတာကြောင့် လေဗာကူဆင်အသင်းအတွက် ကစားရ ပိုမိုလွယ်ကူခဲ့ပြီး ဂိုးပြတ်နိုင်ပွဲကို ဖန်တီးနိုင်ခဲ့တာပါ။ ဒီပွဲစဉ်က ဘင်ဖီကာအသင်းရဲ့ (၄၈)ပွဲဆက် ရှုံးပွဲမရှိစံချိန်ကို ဖြတ်ကျော်နိုင်ခဲ့ပြီး နောက်ပိုင်း စံချိန်သစ်တင်နိုင်ခဲ့တဲ့ ဒုတိယမြောက်ပွဲစဉ်လည်း ဖြစ်လာခဲ့ပါတယ်။
နည်းပြအလွန်ဆိုကိုင်တွယ်နေတဲ့ လေဗာကူဆင်အသင်းဟာ အခုဘောလုံးရာသီမှာ အသင်းသမိုင်းတစ်လျှောက် ပထမဆုံး ဘွန်ဒက်လီဂါဖလားကို ရယူခဲ့သလို ဂျာမန်ပိုကယ်ဖလားနဲ့ ယူရိုပါလိဂ်ဖလားတို့ကိုလည်း ဆွတ်ခူးနိုင်လိမ့်မယ်လို့ ရေပန်းစားနေကြောင်းသိရပါတယ်။