မေ ၁၂
မန္တလေးတိုင်းဒေသကြီး၊ ကျောက်ဆည်မြို့နယ်၊ ညောင်ဝန်းကျေးရွာနှင့် ညောင်ရွှေကျေးရွာကြားတွင် ယနေ့ မွန်းတည့် ၁၂ နာရီအချိန်ခန့်က သေနတ် ပစ်ခတ်မှု ဖြစ်ပွားခဲ့ကြောင်း သိရှိရသည်။
သက်ဆိုင်ရာ လုံခြုံရေးတာဝန်ရှိသူများမှ သွားရောက်စစ်ဆေးခဲ့ရာ ကျောက်ဆည်မြို့နယ်၊ ညောင်ရွှေကျေးရွာ၊ ဆယ်အိမ်မှူး ဦးမျိုးမြင့်၊ အသက် ၇၁ နှစ်၊ (ဘ)ဦးသာကြူး(ပြည်ခိုင်ဖြိုးပါတီဝန်းရံသူ)အား ဌေးဌေးဆံပင်ညှပ်ဆိုင်အတွင်းတွင် ယာ-လည်ပင်း ကျည်ဖောက်ထွက်ဒဏ်ရာ ၁ ချက်၊ ယာ-နားထင် ကျည်ထိမှန်ဒဏ်ရာ ၁ ချက်တို့ဖြင့် လဲကျသေဆုံးနေကြောင်း သိရှိရသည်။
ဖြစ်စဥ်မှာ သေဆုံးသူသည် ညောင်ရွှေကျေးရွာရှိ ဌေးဌေးဆံပင်ညှပ်ဆိုင်တွင် ဆံပင်ညှပ်ရန်စောင့်ဆိုင်းနေစဉ် အမည်မသိအမျိုးသား ၂ ဦးမှာ ဆိုင်ကလုန်း ဆိုင်ကယ်ဖြင့် ရောက်ရှိလာပြီး ဆိုင်အတွင်းသို့ဝင်ရောက်၍ (အမျိုးအစားစိစစ်ဆဲ)သေနတ်ဖြင့် ပစ်ခတ်ခဲ့ရာ ၎င်းမှာ သေနတ်ထိမှန်ဒဏ်ရာများဖြင့် အခင်းဖြစ်နေရာတွင် သေဆုံးသွားခဲ့ခြင်းဖြစ်ကြောင်း သိရှိရသည်။
Telegram>>…
https://t.me/positiveanglenews/22514