မြောက်ကိုရီးယားသည် ၎င်း၏ သံတမန်ရေးအရ အထီးကျန်မှုကို ဖြတ်တောက်ရန် ကြီးထွားလာနေသည့် ကြိုးပမ်းအား ထုတ်မှုတစ်ရပ်အဖြစ် အီရန်နိုင်ငံသို့ ကိုယ်စားလှယ်အဖွဲ့တစ်ဖွဲ့ စေလွှတ်

ဧပြီ ၂၅

      COVID-19 ကူးစက်ရောဂါ စတင်ဖြစ်ပွားချိန်မှစ၍ နှစ်နိုင်ငံ၏ ပထမဆုံးသော ဆွေးနွေးပွဲများ ဖြစ်လာနိုင်ရေးအတွက် မြောက်ကိုရီးယား၏ အဆင့်မြင့် စီးပွား ရေး ကိုယ်စားလှယ်အဖွဲ့သည် အီရန်နိုင်ငံသို့ သွား ရောက်နေပြီဟု မြောက်ကိုရီးယား နိုင်ငံပိုင်မီဒီယာက ဗုဒ္ဓဟူးနေ့တွင် ပြောကြားခဲ့သည်။

       “စစ်အေးတိုက်ပွဲသစ်” ဟူသော အယူအဆကို ခံယူကာ မြောက်ကိုရီးယားခေါင်းဆောင် ကင်ဂျုံအန်းသည် အမေရိကန်နှင့် ထိပ်တိုက်တွေ့သော နိုင်ငံများနှင့် ပူး ပေါင်းဆောင်ရွက်မှုကို မြှင့်တင်ရန် တွန်းအားပေးနေပြီး ၎င်း၏ လက်နက်စမ်းသပ်မှုများကို အရှိန်မြှင့်ကာ အမေရိကန်နှင့် တောင်ကိုရီးယားတို့က ၎င်းတို့၏ စစ်ရေးလေ့ ကျင့်မှုကို တိုးချဲ့ရန် တွန်းအားပေးလျက်ရှိသည်။

      မြောက်ကိုရီးယား၏ ပြင်ပစီးပွားရေးဆက်ဆံရေး အကြီးအကဲ Yun Jung Ho ဦးဆောင်သော ပြုံယမ်း၏ ကိုယ်စားလှယ်အဖွဲ့သည် အင်္ဂါနေ့တွင် အီရန်နိုင်ငံသို့ ခရီးထွက်ခွာသွားခဲ့ကြောင်း ကိုရီးယားဗဟိုသတင်းအေဂျင်စီက ဗုဒ္ဓဟူးနေ့တွင် ပြောကြားခဲ့သည်။ နိုင်ငံပိုင်မီဒီယာက နောက်ထပ်အသေးစိတ်အချက်အလက်များကိုမူ ချက်ချင်းမဖော်ပြခဲ့​ပေ။

      ပြုံယမ်းနှင့် တီဟီရန် နှစ်နိုင်ငံလုံးသည် ရုရှားသမ္မတ ဗလာဒီမာပူတင်၏ ယူကရိန်းကို ကျူး ကျော်ဝင်ရောက်မှုကို ထောက်ခံအားပေးသည့် နိုင်ငံများဖြစ်ပြီး ၎င်းတို့နှစ်ဦးစလုံးသည် ရုရှားအား စစ်လက်နက် ပစ္စည်းများ ပေးအပ်သည်ဟု စွပ်စွဲခံထားရသည်ဟု AP သတင်းတွင် ဖော်ပြထားသည်။

#PAN