ဧပြီ ၁၁
နယ်သာလန်ကလပ် အေဂျက်ဇ်အသင်းက ယခုဘောလုံးရာသီတွင် ရလဒ်များဆိုးရွားနေသည့်အတွက် ရာသီအကုန်တွင် နည်းပြအပြောင်းအလဲပြုလုပ်ရန် ပြင်ဆင်နေပြီး ချယ်လ်ဆီးအသင်းနည်းပြဟောင်း ဂရေဟမ်ပေါ်တာကို ခန့်အပ်ရန် ဆွေးနွေးလျက်ရှိကြောင်း သိရပါတယ်။
အသက်(၄၈)နှစ်အရွယ်ရှိပြီဖြစ်သူ ဂရေဟမ်ပေါ်တာအနေဖြင့် ဒတ်ချ်လိဂ်၌ ရုန်းကန်နေရသည့် အေဂျက်စ်အသင်းနှင့် ဆွေးနွေးနေသော်လည်း အပူတပြင်းကိုင်တွယ်ရန် စိတ်အားထက်သန်ခြင်းမရှိကြောင်း သိရပါတယ်။
နည်းပြဂရေဟမ်ပေါ်တာသည်လည်း ဘရိုက်တန်အသင်းကို တာဝန်ယူကိုင်တွယ်စဉ်က ရလဒ်ကောင်း များရရှိခဲ့သော်လည်း ချယ်လ်ဆီးအသင်းကို တာဝန်ယူ ကိုင်တွယ်ခဲ့ရာ ရလဒ်ဆိုးများကြောင့် ထုတ်ပယ်ခံရပြီး လက်ရှိအချိန်ထိ ကလပ်အသင်းလက်မဲ့ ဖြစ်နေသူဖြစ်ကြောင်း သိရပါတယ်။
ဆွမ်ဆီးနှင့် ဘရိုက်တန်အသင်းများကိုလည်း ကိုင်တွယ်ခဲ့ဖူးသူ ဂရေဟမ်ပေါ်တာအနေဖြင့် နွေရာသီတွင် မန်ယူနည်းပြ ဖြစ်လာနိုင်သူများစာရင်းတွင်လည်း ပါဝင်လျက်ရှိပါတယ်။