ဧပြီ ၉
ယနေ့မနက်စောပိုင်းက ဆော်ဒီစူပါဖလားပွဲ ဆီမီးဖိုင်နယ်ပွဲစဉ်အဖြစ် ယှဉ်ပြိုင်ကစားခဲ့ရာတွင် အယ်လ်နာဆာက အယ်လ်ဟီလယ်ကို ၂-၁ ဂိုးနဲ့ ရှုံးခဲ့တဲ့ ပွဲမှာ စီရော် နယ်ဒိုဟာ ပြိုင်ဘက်ကစားသမားကို တံတောင်စွမ်း ပြခဲ့တာကြောင့် ပွဲကစားချိန် ၈၆ မိနစ်တွင် တိုက်ရိုက်အနီကတ်နဲ့ အထုတ်ပယ်ခံခဲ့ရပါတယ်။
ပြီးခဲ့တဲ့ ဖေဖော်ဝါရီလက အယ်လ်ရှာဘက်နဲ့ ပွဲမှာလည်း မက်ဆီရဲ့ နာမည်ကို ပရိသတ်တွေက တစ်ချိန်လုံး အော်နေတဲ့ အတွက်ကြောင့် ညစ်ညမ်းတဲ့ အပြု အမူနဲ့ တုံ့ပြန်ခဲ့တဲ့ စီရော်နယ်ဒိုဟာ တစ်ပွဲပယ် ပြစ်ဒဏ် ကျခံခဲ့ရတာလည်းရှိပါတယ်။
အယ်လ်ဟီလာအသင်းအတွက် အယ်လ်ဒေါ်ဆာရီ၊ မယ်လ်ကွန်တို့က ဂိုးတွေသွင်းခဲ့ပြီး အယ်လ်နာဆာ၏ဂိုးကိုမူ မာနေက နာကျင်အချိန်ပိုရောက်မှ ပြန်သွင်းပေးခဲ့ပါတယ်။
အခြားဆီမီးဖိုင်နယ်တွင် အယ်လ်အစ်တီဟတ်အသင်းက အယ်လ်ဝယ်ဒါအသင်းကို ဘန်ဇီမာ၏ သွင်းဂိုးတစ်ဂိုးအပါအဝင် ၂-၁ ဂိုးဖြင့် အနိုင်ရခဲ့ပါတယ်။
ဆော်ဒီစူပါဖလားပွဲ ဗိုလ်လုပွဲအဖြစ် ဧပြီလ ၁၁ ရက်တွင် အယ်လ်အစ်တီဟတ်နှင့် အယ်လ်ဟီလာအသင်း ယှဉ်ပြိုင်ကစားမည်ဖြစ်ပါတယ်။