(ပြည်တွင်း)မတ်၃၀
ချင်းပြည်နယ်၊ တွန်းဇံမြို့၊ ခေါဝုန်လေးဆန်ရပ်ကွက်တွင် ယမန်နေ့ ညနေ ၃ နာရီခန့်က ဆိုလာမီးနှင့်သွယ်တန်းထားသော ဝါယာကြိုး အပူလွန်ကဲရာမှ နေအိမ်တစ်လုံး မီးလောင်မှု ဖြစ်ပွားခဲ့ကြောင်း သိရသည်။
တွန်းဇံမြို့၊ ခေါဝုန်လေးဆန်ရပ်ကွက်ရှိ အိမ်ရှင် ဦးဟောက်ရှင်းဆူမ်း၏ နေအိမ်တွင် တပ်ဆင်ထားသည့် ဆိုလာမီးနှင့်သွယ်တန်းထားသော ဝါယာကြိုး အပူလွန်ကဲရာမှ ပေသွပ်မိုး၊ ပျဉ်ခင်း၊ ပျဉ်ကာ၊ မြေစိုက်(၁) ထပ်နေအိမ်တစ်လုံး မီးလောင်ကျွမ်းခဲ့ခြင်းဖြစ်ကြောင်း သိရသည်။
မီးလောင်မှုဖြစ်ပွားရာသို့ မြို့နယ်မီးသတ်ဦးစီးဌာနမှ မီးသတ်ယာဉ်(၂)စီးနှင့် ဌာနဆိုင်ရာများ တပ်မတေယ်သားများမှ ဝိုင်းဝန်းငြှိမ်းသတ်ခဲ့ရာ ညနေ ၄ နာရီခန့်တွင် မီးငြိမ်းသွားခဲ့သည်။
မီးလောင်မှုကြောင့် လူနှင့်တိရစ္ဆာန် ထိခိုက်မှုမရှိကြောင်း၊ မီးဘေးသင့်မိသားစုဝင် (၅) ဦးအား နီးစပ်ရာဆွေမျိုးများနေအိမ်တွင် ယာယီပြောင်းရွှေ့ပေးထားကြောင်း၊ မီးပေါ့ဆစွာသုံးစွဲသူအား အမှုဖွင့်အရေးယူဆောင်ရွက်ထားကြောင်း မြို့နယ်မီးသတ်ဦးစီးဌာနရုံးမှ သိရသည်။
PAN