မတ် ၂၁
![](https://positiveanglenews.com/storage/2024/03/image-303-1024x461.png)
အကြမ်းဖက် NUG အဖွဲ့၏ လမ်းညွန်ချက်အရ PDF အကြမ်းဖက်သမားများသည် အပြစ်မဲ့ အရပ်သား ပြည်သူများအားသတ်ဖြတ်လျှက်ရှိရာ ယနေ့ မွန်းလွဲပိုင်းကလဲ ပဲနွယ်ကုန်းမြို့တွင် သာမာန်အပြစ်မဲ့အရပ်သား တစ်ဦးအား လုပ်ကြံသတ်ဖြတ်ခဲ့သည်။
ဖြစ်စဥ်မှာ ယနေ့ မွန်းလွဲ ၃ နာရီအချိန်ခန့်က ပဲခူးတိုင်းဒေသကြီး၊ ညောင်လေးပင်ခရိုင်၊ ကျောက်တံခါးမြို့နယ်၊ ပဲနွယ်ကုန်းနယ်မြေရဲစခန်းအနီးရှိ သတိပဌာန် ရပ်ကွက်တွင် နေထိုင်သော သာမာန်အရပ်သားပြည်သူ ဦးစန်းအောင်ညွန့်(ခ)လူမုန်း၊ ၄၀ နှစ်၊ ကျောင်းပတ်လမ်း၊ သတိပဌာန်ရပ်ကွက်၊ ပဲနွယ်ကုန်းမြို့နေသူတွင် ယာဘက်နားထင်မှ ဝဲဘက်ပါးသို့ ကျည်ဆန်ဖောက်ထွက်ဒဏ်ရာရရှိ၍ သေဆုံးနေသည်ကို တွေ့ရှိခဲ့ရကြောင်း သိရှိရသည်။
![](https://positiveanglenews.com/storage/2024/03/image-304-1024x461.png)
သေဆုံးသူ ဦးစန်းအောင်ညွန့်(ခ)လူမုန်းသည် ဒေါ်နွယ်နွယ်ဝင်း(ခ)ဒေါ်ချို၊ ၄၄ နှစ်၊ သတိပဌာန်ရပ်ကွက်(၅)လမ်းနေသူ၏ ခြံဝန်းအတွင်းရှိ သစ်ပင်အောက်တွင် ဒေါ်အိမွန်၊ ၃၇ နှစ်၊ ဦးအောင်ကိုဦး(ခ)ကျောက်ကြီး၊ ၃၉ နှစ်၊ တို့နှင့်အတူ စုစုပေါင်း ၄ ဦး ဝိုင်းဖွဲ့စကားပြောနေစဉ် အမည်မသိအမျိုးသား ၁ ဦးသည် (မတ်စ် အဖြူရောင်)တပ်ဆင်ပြီး နေကာမျက်မှန် အနက်ရောင်တပ်၍၊ နှီးဦးထုပ်ဆောင်းကာ ဆိုင်ကယ်(အမျိုးအစားစိစစ်ဆဲ)ဖြင့် ရောက်ရှိလာပြီး ဒေါ်နွယ်နွယ်ဝင်း(ခ)ဒေါ်ချို၏ နေအိမ်ရှေ့တွင် ဆိုင်ကယ်အားရပ်တန့်ပြီး ခြံဝန်းအတွင်းသို့ ဝင်ရောက်လာကာ သေဆုံးသူအား နောက်မှသေနတ်(စိစစ်ဆဲ)ဖြင့် ၁ ချက် ပစ်ခတ်ခဲ့ရာ ယာဘက်နားထင်မှ ဝဲဘက်ပါးသို့ ဖောက်ထွက်ဒဏ်ရာရရှိပြီး ဆေးရုံသို့အရောက်တွင် သေဆုံးသွားကြောင်း သိရှိရသည်။ အခင်းဖြစ်နေရာ အနီးမှ(၉)မမ ကျည်ခွံ(၁)ခုအား တွေ့ရှိခဲ့ကြောင်း သိရှိရသည်။
PAN မှ နေ့စဥ် ထွက်လွှင့်ပေးလျှက်ရှိသည့် ပလက်ဖောင်းများ –
Website – www.positiveanglenews.com
TikTok – https://www.tiktok.com/@pan.news?_t=8kKrxM5cZWc&_r=1
Facebook – https://www.facebook.com/pan.info.2022?mibextid=ZbWKwL
Youtube – https://youtube.com/@positiveanglenews?si=bHqwf-3OXi8uZr3i
Telegram – https://t.me/positiveanglenews
Like, Share, Follow, Subscribe, Join
သတင်းပေးပိုရန် PAN Viber – 09772979725