မတ် ၁၅
မန်စီးတီးအသင်းရဲ့ အဓိက ကွင်းလယ်လူ ဒီဘရိုင်းဟာ အသေးစားပေါင်းခြံဒဏ်ရာ ရရှိနေခဲ့တာကြောင့် နိုင်ငံတကာခြေစမ်းပွဲစဉ်တွေ ကစားသွားမယ့် ဘယ်လ်ဂျီယံလက်ရွေးစင်အသင်းရဲ့ လူစာရင်းကနေ နှုတ်ထွက်ခဲ့တယ်လို့သိရပါတယ်။
အသက်၃၂အရွယ်ရှိ ဒီဘရိုင်းနားဟာ ပြီးခဲ့တဲ့ရာသီကတည်းက ဒဏ်ရာပြဿနာတွေနဲ့ ရင်ဆိုင်ခဲ့ရပြီး ဒီရာသီအစက ဘန်လေနဲ့ ပရီးမီးယားလိဂ်အဖွင့်ပွဲမှာ တံကောက်ကြောဒဏ်ရာရရှိခဲ့တာကြောင့် ဒီဇင်ဘာလကုန်ခါနီးအထိ အနားယူခဲ့ရသလို ဒီရာသီ မန်စီးတီးအသင်းရဲ့ ပြိုင်ပွဲစုံ ၃၂ ပွဲအထိ လွဲချော်ခဲ့ပါတယ်။
အဆိုပါဒဏ်ရာကြောင့် ဒီဘရိုင်းနားဟာ လာမဲ့စနေနေ့ကျရင် နယူးကာဆယ်နဲ့ အစ်တီဟတ်မှာ ကစားမဲ့ FA ဖလားပွဲအပြင် အာဆင်နယ်နဲ့ ပရီးမီးယားလိဂ်ပွဲကြီးပွဲကောင်းကိုလည်း လွဲချော်ဖို့ရှိနေပါတယ်။