မတ် ၁၄
မလေးရှားနိုင်ငံမှ မြန်မာအပါအဝင် နိုင်ငံခြားသား အလုပ်သမားခေါ်ယူမှု ရပ်ဆိုင်းမည်
မတ် ၁၄
မလေးရှားနိုင်ငံအနေဖြင့် Calling Visa ကျပြီး လက်ကျန်အလုပ်သမားများကို ဧပြီလကုန်အထိသာ နောက်ဆုံးဝင်ရောက်ခွင့်ပေးတော့မှာ ဖြစ်ပါတယ်။ လာမည့် ဇွန်လ ၁ ရက်မှစတင်ကာ မြန်မာအပါအဝင် နိုင်ငံခြား သား အလုပ်သမားခေါ်ယူမှုကို ရပ်ဆိုင်းတော့မှာဖြစ်ကြောင်း မလေးရှားနိုင်ငံ လူဝင်မှုကြီးကြပ်ရေးဌာနက ထုတ်ပြန် ထားပါတယ်။
ဒါ့အပြင် မလေးရှားနိုင်ငံရှိ စက်ရုံ၊ အလုပ်ရုံများမှ ယခင်က ခွင့်ပြုခဲ့သည့် နိုင်ငံခြားသား အလုပ်သမား ခေါ်ယူ ခွင့် KSM Approval လက်ကျန်မှ မလေးရှား အလုပ်ရှင်အနေဖြင့် Calling Visa လျှောက်ထားမှုကိုလည်း မတ်လ ၃၁ ရက် နောက်ဆုံးထားခွင့်ပြုပေးသွားမှာဖြစ်ကြောင်း သိရပါတယ်။
Calling Visa ရရှိပြီးတဲ့ နိုင်ငံခြားသား အလုပ်သမား များကို မေလ ၃၁ ရက် နောက်ဆုံးထားပြီး ခေါ်ယူခွင့်ပြုသွားမှာဖြစ်ကြောင်း သိရပါတယ်။
မလေးရှားနိုင်ငံရှိ စက်ရုံ၊ စိုက်ပျိုးရေး၊ ဆောက်လုပ်ရေးလုပ်ငန်းခွင်များတွင် မြန်မာ၊ ဘင်္ဂလားဒေ့ရှ်နှင့် နီပေါ စတဲ့နိုင်ငံသားအများစု ရွှေ့ပြောင်း လုပ်ကိုင်နေကြခြင်း ဖြစ်ပါတယ်။
ဒါ့အပြင် ၂၀၂၄ ခုနှစ် မတ်လ ၁ ရက် ကနေ ဒီဇင်ဘာလ ၃၁ ရက်အထိ နိုင်ငံအတွင်း တရားမဝင် ရောက်ရှိ နေကြသည့် နိုင်ငံခြားသားများကို ၁၄ ရက်အတွင်း မလေးရှားနိုင်ငံမှ ပြန်လည်ထွက်ခွာရန် မလေးရှား အစိုးရက အသိပေးထားပါတယ်။
၂၀၂၃ ခုနှစ် ဒီဇင်ဘာလ ၃၁ ရက်အထိ အေဂျင်စီအစီအစဉ်ဖြင့်လည်းကောင်း၊ မိမိအစီအစဉ် ဖြင့်လည်းကောင်း ခွင့်ပြန်/ PR အစီအစဉ်များဖြင့် မလေးရှားနိုင်ငံသို မြန်မာနိုင်ငံသားဦးရေ ၃၉၀,၇၇၇ ကို စေလွှတ် ခွင့် ပြုခဲ့ကြောင်း အလုပ်သမားဝန်ကြီးဌာနက ထုတ်ပြန်ထားတဲ့စာရင်းများအရ သိရပါတယ်။
ဒါ့အပြင် မလေးရှားနိုင်ငံမှ Calling Visa ကျပြီး လက်ကျန်အလုပ်သမားများကို ဧပြီလကုန်အထိသာ နောက်ဆုံးဝင်ရောက်ခွင့်ပေးတော့မည်ဖြစ်တဲ့အတွက် ပြည်တွင်းရှိ အေဂျင်စီတချို့က အချို့သောပွဲစားများရဲ့ အွန်လိုင်းမှတစ်ဆင့် အလုပ်သမားခေါ်ယူနေမှုများကို သတိထားရန် သတိပေးထားပါတယ်။
PAN မှ နေ့စဥ် ထွက်လွှင့်ပေးလျှက်ရှိသည့် ပလက်ဖောင်းများ –
Website – www.positiveanglenews.com
TikTok – https://www.tiktok.com/@pan.news?_t=8kKrxM5cZWc&_r=1
Facebook – https://www.facebook.com/pan.info.2022?mibextid=ZbWKwL
Youtube – https://youtube.com/@positiveanglenews?si=bHqwf-3OXi8uZr3i
Telegram – https://t.me/positiveanglenews
Like, Share, Follow, Subscribe, Join