မတ် ၄
![](https://positiveanglenews.com/storage/2024/03/image-58.png)
TNLA (တအောင်းပလောင်) လက်အောက်ကို ကျရောက်နေသည့် ရှမ်းပြည်နယ်မြောက်ပိုင်းမှ မန်တုံမြို့နယ်၊ နမ့်ဆန်မြို့နယ်၊ နမ္မတူမြို့နယ်များကို နိုင်ငံတော်စီမံအုပ်ချုပ်ရေးကောင်စီက စစ်အုပ်ချုပ်ရေး (Martial Law) ကြေညာလိုက်သည်။
![](https://positiveanglenews.com/storage/2024/03/image-59.png)
စစ်အုပ်ချုပ်ရေး(Martial Law) အမိန့်အမှတ်အရ အရှေ့မြောက်တိုင်း စစ်ဌာနချုပ်တိုင်းမှူးအား စစ်အုပ်ချုပ်ရေးကြေညာထားသည့် မန်တုံမြို့နယ်၊နမ့်ဆန်မြို့နယ်နှင့် နမ္မတူမြို့နယ်များအတွင်း လုံခြုံရေး၊ တရားဥပဒေစိုးမိုးရေးနှင့် နယ်မြေအေးချမ်းသာယာရေးကို ပိုမိုထိရောက်စွာ ဆောင်ရွက်နိုင်ရန်အတွက် အုပ်ချုပ်ရေးနှင့် တရားစီရင်ရေးဆိုင်ရာ စစ်အုပ်ချုပ်ရေး(Martial Law) အာဏာကို ပေးအပ်လိုက်ခြင်းဖြစ်သည်။
စစ်အုပ်ချုပ်ရေးကြေညာထားသည့် မြို့နယ် ၃ မြို့နယ်အတွင်းရှိ ဒေသအာဏာပိုင် အဖွဲ့အစည်းအဆင့်ဆင့်တို့သည် ယင်းတို့နှင့်သက်ဆိုင်သည့် လုပ်ငန်းတာဝန်များကို အရှေ့မြောက်တိုင်းစစ်ဌာနချုပ်တိုင်းမှူး၏ ကွပ်ကဲမှုအရ ဆောင်ရွက်ရမည် ဖြစ်သည်။
![](https://positiveanglenews.com/storage/2024/03/image-61.png)
နစက က စစ်အုပ်ချုပ်ရေးနယ်မြေ ကြေညာလိုက်သည့် ရှမ်းပြည်နယ်မြောက်ပိုင်းမှ မန်တုံမြို့နယ်၊ နမ့်ဆန်မြို့နယ်နှင့် နမ္မတူမြို့နယ်များသည် TNLA လက်အောက်ကျရောက်နေခြင်းကြောင့် တပ်စခန်းနှင့် ရဲစခန်းများလက်လွှတ်ထားရသည့်အပြင် အရပ်ဖက်အုပ်ချုပ်ရေးရုံးများဖြစ်သည့် မြို့နယ်အထွေထွေအုပ်ချုပ်ရေးဦးစီးဌာနရုံးများကိုပင်လျှင် TNLA မှ တပ်စွဲထိန်းချုပ်ထားသည်။
![](https://positiveanglenews.com/storage/2024/03/image-62.png)
![](https://positiveanglenews.com/storage/2024/03/image-60.png)
PAN မှ နေ့စဥ် ထွက်လွှင့်ပေးလျှက်ရှိသည့် ပလက်ဖောင်းများ –
Website – www.positiveanglenews.com
TikTok – https://www.tiktok.com/@pan.news?_t=8kKrxM5cZWc&_r=1
Facebook – https://www.facebook.com/pan.info.2022?mibextid=ZbWKwL
Youtube – https://youtube.com/@positiveanglenews?si=bHqwf-3OXi8uZr3i
Telegram – https://t.me/positiveanglenews
Like, Share, Follow, Subscribe, Join
သတင်းပေးပိုရန် PAN Viber – 09772979725