ဖေဖော်ဝါရီ ၁၂
နိုင်ငံရဲ့လျှပ်စစ်ဓာတ်အားလိုအပ်ချက်ဟာ နှစ်စဉ် ၁၅ ရာခိုင်နှုန်းလောက် တိုးတက်နေတယ်လို အမျိုးသား အဆင့် ပြန်ပြည့်မြဲစွမ်းအင်ဆိုင်ရာကော်မတီဥက္ကဋ္ဌ လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးဉာဏ်ထွန်းက ပြောကြားလိုက်ပါတယ်။
မြန်မာနိုင်ငံရဲ့ လက်ရှိဓာတ်အားစနစ်မှာ ဓာတ်အားထုတ်လုပ်မှု အရင်းအမြစ် အချိုးအစား Generation Mix အနေနဲ့ ရေအား Hydropower မှ ၄၇ ဒသမ ၆ ရာခိုင်နှုန်း၊ နေရောင်ခြည်စွမ်းအင် Solar and RE က ၁ ဒသမ ၇ ရာခိုင်နှုန်း၊ အပူစွမ်းအင် Gas+ LNG+ Coal က ၅၀ ဒသမ ၇ ရာခိုင်နှုန်း တိုနဲ့ ထုတ်လုပ်နေတာဖြစ်ပြီး လက်ရှိအချိန်အထိ တစ်နိုင်ငံလုံးရဲ့ လျှပ်စစ်ဓာတ်အား ရရှိမှုအချိုး Electrification Ratio အနေနဲ့ ၆၆ ဒသမ ၆၇ ရာခိုင်နှုန်းကျော် ရရှိသုံးစွဲနေကြတာဖြစ်ကြောင်း ၎င်းက အမျိုးသားအဆင့် ပြန်ပြည့်မြဲစွမ်းအင်ဆိုင်ရာကော်မတီ (National Renewable Energy Committee-NREC) ရဲ့ လုပ်ငန်းညှိနှိင်းအစည်းအဝေးမှာ ပြောကြားလိုက်တာ ဖြစ်ပါတယ်။
မြန်မာနိုင်ငံအနေနဲ့ နိုင်ငံတော်ဓာတ်အားစနစ်နဲ့ ချိတ်ဆက်ထားတဲ့ နေရောင်ခြည်စွမ်းအင်သုံး လျှပ်စစ် ဓာတ်အားပေးစက်ရုံ ခြောက်ရုံရှိသလို တည်ဆောက်ဆဲစီမံကိန်း ၁၁ ခုရှိပါကြောင်းသိရှိရပါတယ်။ ဒါအပြင် NREC ကော်မတီအနေနဲ့လျှပ်စစ်ကဏ္ဍမှာ ပြန်ပြည့်မြဲစွမ်းအင်မှ ဓာတ်အားတိုးတက်ထုတ်လုပ်နိုင်ရေးနဲ့ Green Growth, Green Energy, Green Economy ဖြစ်စေရေးမှာ တတ်စွမ်းသမျှ ပါဝင်ဆောင်ရွက်နေကြောင်း သိရပါတယ်။