ဖေဖော်၀ါရီ ၉
အမျိုးသားလုံခြုံရေးနှင့် ပြည်တွင်းလုံခြုံရေးအတွက် မြန်မာနိုင်ငံနှင့် ဆယ်စုနှစ်များစွာ သက်တမ်းရှိ ဗီဇာကင်းလွတ် သွားလာရေးမူဝါဒကို အဆုံးသတ်လိုက်ကြောင်း အိန္ဒိယပြည်ထဲရေးဝန်ကြီးဌာနက ဖေဖော်၀ါရီ ၈ ရက်နေ့က ကြေညာခဲ့ကြောင်း သိရသည်။
အိန္ဒိယပြည်ထဲရေးဝန်ကြီး Amit Shah က ယခင်က တွစ်တာလို့ ခေါ်သည့် X မှာ ကြေငြာခဲ့ခြင်းဖြစ်ပြီး အိန္ဒိယသည် မြန်မာနိုင်ငံနှင့် နယ်စပ်တလျှောက် ခြံစည်းရိုးခတ်ဖို့နှင့် ကင်းလှည့်လမ်းကြောင်းတွေ တည်ဆောက်ဖို့ ဆုံးဖြတ်ချက်ချပြီးနောက် ရက်ပိုင်းအကြာမှာ ထွက်ပေါ်လာခဲ့ခြင်းဖြစ်သည်။
ယခင်က နယ်စပ်တစ်ဖက်တစ်ချက်ရှိ ၁၆ ကီလိုမီတာ (၁၀ မိုင်) ဇုန်အတွင်း နေထိုင်သူတွေကို ဗီဇာကင်းလွတ်ခွင့်ပြုထားခဲ့ခြင်းဖြစ်ပြီး အိန္ဒိယနိုင်ငံ အရှေ့မြောက်ပိုင်း ပြည်နယ်တွေ၏ လူဦးရေ အချိုးအစားကို ထိန်းသိမ်းဖို့ အိန္ဒိယနှင့် မြန်မာနိုင်ငံကြား လွတ်လပ်စွာဖြတ်သန်းသွားလာခွင့်ကို ဖျက်သိမ်းရန် ပြည်ထဲရေးဝန်ကြီးဌာနက ဆုံးဖြတ်ခဲ့ခြင်းဖြစ်ကြောင်း သိရသည်။
အမည်မဖော်လိုသည့် အိန္ဒိယ အစိုးရတာဝန်ရှိသူတစ်ဦးမှ “မူဝါဒကို ဖျက်သိမ်းရန် ဆုံးဖြတ်ချက်ကို မြန်မာနိုင်ငံအား အကြောင်းကြားရဦးမှာဖြစ်ပေမယ့် ဆိုင်းငံ့မှု ချက်ချင်းဖြစ်လာနိုင်တယ်” လို့ ဆိုထားသည်။
အောက်တိုဘာလမှစတင်ပြီး မြန်မာ တပ်ဖွဲ့ဝင် ၇၀၀ ကျော် အိန္ဒိယနိုင်ငံကို ဘေးကင်းစွာ ဖြတ်သန်းသွားလာနိုင်ရေးအတွက် ဗီဇာကင်းလွတ်ခွင့်ကို အသုံးပြုခဲ့ကြောင်း သိရသည်။
PAN