ဇန်နဝါရီ ၂၂
ရန်ကုန်-မန္တလေးကားလမ်းနှင့် မြို့ရှောင်လမ်းဆုံနေရာ၌ ယာဉ်/လမ်းစည်းကမ်း ထိန်းသိမ်းရေး ဆောင်ရွက်ရန် ယာဉ်ပေါ်မှ အောက်သို့ဆင်းစဉ် PDFအမည်ခံအကြမ်းဖက်အဖွဲ့မှ လက်လုပ်မိုင်းဖြင့် ပစ်ပေါက်ခဲ့ကြောင်း သိရသည်။
ဖြစ်စဥ်မှာ ယနေ့ နံနက် ၈နာရီ ၄၀မိနစ်အချိန်ခန့်တွင် မန္တလေးတိုင်းဒေသကြီး၊ ကျောက်ဆည်မြို့နယ်၊ပြည်ပန်းကျေးရွာအနီး၊ မြို့ရှောင်လမ်းဆုံ၌ ယာဉ်/လမ်းစည်းကမ်း ထိန်းသိမ်းရေး ဆောင်ရွက်ရန် ယာဉ်ပေါ်မှ အောက်သို့ဆင်းစဉ် (အမျိုးအစားစိစစ်ဆဲ)အနက်ရောင် မော်တော်ယာဉ်ပေါ်မှ လက်လုပ်မိုင်းဖြင့် ပစ်ပေါက်ခဲ့ပြီးကျောက်ဆည်ဘက်မှကူမဲဘက်သို့ မောင်းနှင်ထွက်ပြေးသွားခဲ့ကြောင်း သိရသည်။
အဆိုပါ ပစ်ပေါက်ခဲ့သည့် လက်လုပ်မိုင်းသည် လမ်းယာဘက်ခြမ်းသို့ ကျရောက်ပေါက်ကွဲခဲ့ပြီး ကျောက်ဆည်မြို့ဘက်မှ ပြည်ပန်းကျေးရွာဘက်သို့ ဆိုင်ကယ် ဖြင့် မောင်းနှင်လာသည့် ဦးတင်စိုး၊၅၆နှစ်၊(ဘ)ဦးကျော်သိန်း၊သပြေကုန်းရွာ၊ ကျောက်ဆည်မြို့နယ်နေသူတွင် နားထင် ရှပ်ထိဒဏ်ရာ ၁ချက်၊ ယာဘက် ဆီးအိမ်ထိမှန်ဒဏ်ရာ ၁ချက်(စိုးရိမ်)ရ ဒဏ်ရာများရရှိခဲ့ပြီး ကျောက်ဆည်မြို့ ပြည်သူ့ဆေးရုံသို့ တင်ပို့ကုသထားကြောင်း သတင်းရရှိသည်။
