ဒီဇင်ဘာ ၃၀
မန္တလေးတိုင်းဒေသကြီး၊ နွားထိုးကြီးမြို့နယ်၊ဖလံကုန်းကျေးရွာ၌ ယနေ့ နံနက်ပိုင်းက အမျိုး သား တစ်ဦးကို စိစစ်ဆဲ အကြမ်းဖက်သမား PDF များက သေ နတ်ဖြင့် ပစ်ခတ်သတ်ဖြတ်ခဲ့သည်။
နွားထိုးကြီးမြို့နယ်၊ဖလံကုန်းကျေးရွာနေသူ ဦးမောင်မှုံ၊ ၅၅နှစ်၊(ဘ)ဦးလှသန်း၊တောင်သူသည် သမီးဖြစ်သူ မထွေးထွေး၊၂၄နှစ်၊ မဖွေးဖွေး၊၁၅ နှစ် တို့နှင့်အတူ ယာတောမှပြန်လာပြီး နံနက် ၈ နာရီ ၅၀ မိနစ်အချိန်ခန့်တွင် ထမင်းစားရန်ပြုလုပ်နေစဥ် ပုဆိုးများခြုံ၍ မျက်နှာတွင် အဝတ်များစီးထားသော (စိစစ်ဆဲ) အကြမ်းဖက်သမား PDF ၅ ဦးက ဆိုင်ကယ် ၃စီးဖြင့် ရောက်ရှိလာကာ ” မောင်မှုံဆိုတာ ခင်ဗျားလား ထွက်ခဲ့ ”ဟုပြောဆိုပြီး မြေပြင်တွင် ဝမ်းလျားမှောက်ခိုင်းကာ သေနတ်ဖြင့် ပစ်ခတ်သတ်ဖြတ်သွားခြင်း ဖြစ် ကြောင်း သိရပါသည်။
အခင်းဖြစ်ရာသို့ သက်ဆိုင်ရာ လုံခြုံရေးတာဝန်ရှိသူများက သွားရောက်စစ်ဆေးခဲ့ရာ ဦးမောင်မှုံ အား ယာဘက် လက်မောင်း ဖောက်ဝင်/ထွက်ဒဏ်ရာ ၂ ချက်၊ ယာဘက်ပါးမှ ဖောက်ဝင်ပြီး ဝဲဘက် နားထင် ပွင့်ထွက်ဒဏ်ရာ ၂ ချက်၊ ဝဲဘက် လက်ဖျံ ဖောက်ဝင်/ထွက်ဒဏ်ရာ ၂ ချက်တို့ဖြင့် ၎င်း၏နေအိမ်ခြံဝင်းအတွင်း လဲကျသေ ဆုံးနေသည်ကို တွေ့ရှိခဲ့သည်ဟု ဆိုသည်။
သေဆုံးသူ ဦးမောင်မှုံ သည် ပြည်ခိုင်ဖြိုး ပါတီဝင် တစ်ဦးဖြစ်ပြီး ပြည်ပြေးအကြမ်းဖက် NUG ၏ အစွန်း ရောက် အကြမ်းဖက်ဝါဒအရ ပြည်ခိုင်ဖြိုးပါတီဝင်များနှင့် ဝန်းရံသူများကို ၎င်းတို့၏ ရန်သူအဖြစ် သတ်မှတ်ကာ PDF အမည်ခံ အကြမ်းဖက်သမားများက ယခုလိုလိုက်လံသတ်ဖြတ်နေခြင်း ဖြစ်သည်။
#PAN