ဒီဇင်ဘာ ၂၅
မန္တလေးတိုင်းဒေသကြီး၊ မဟာအောင်မြေမြို့နယ်ရှိ အထပ်မြင့်ဆုံးဖြစ်သည့် Grand Park Hotel အပေါ်ဆုံးထပ်မှ အမျိုးသားတစ်ဦးသည် ယမန်နေ့ ညနေပိုင်းက ခုန်ချရန်ကြံစည်မှုဖြစ်ပွားခဲ့ပြီး အချိန်မီကယ် ဆယ်ပေးနိုင်ခဲ့ကြောင်း မြန်မာ နိုင်ငံမီးသတ်အဖွဲ့မှသတင်းထုတ် ပြန်သည်။
မဟာအောင်မြေမြို့နယ်(၈၄)လမ်း၊(၃၈x ၃၉) လမ်းကြား၊မဟာအောင်မြေအနောက်ရပ်ကွက်၊ အကွက်အမှတ်(၅၂၄)၊ မင်းစံရပ်ရှိ Grand Park ဟိုတယ် အပေါ်ဆုံး (၃၁)ထပ်မြောက်မှ ညနေ ၆ နာရီတွင် မှန်တံခါးများ လဲလှယ်ရာတွင် စတီးကြိုးတပ် အသုံးပြုသည့် မောင်းတံပေါ်တွင်မတ်တပ်ရပ်၍ ခုန်ချရန် ကြံစည်နေစဥ် သတင်းအရ မန္တလေးတိုင်းဒေသကြီး၊ မီးသတ်ဦးစီးမှူးရုံးမှ အုပ်ချုပ်မှုယာဉ် ၃ စီး၊ မဟာအောင်မြေမြို့နယ်မီးသတ်စခန်းမှ ရှာဖွေကယ်ဆယ်ရေးယာဉ် ၁ စီးထွက်ခွာ၍ သန္ဓေမီးသတ်တပ်ဖွဲဝင်များဖြင့် အဆို ပါ ခုန်ချရန်ကြံစည်နေသူကို ပြောဆိုစည်း ရုံး၍ ကယ်ဆယ် ရေးလုပ်ငန်းများဆောင်ရွက်ခဲ့သည်ဟု မီးသတ်ဦးစီဌာနမှ တာဝန်ရှိသူ တစ်ဦး၏ ပြောပြချက်အရ သိရပါသည်။
” ဟိုတယ်ပေါ်က ခုန်ချဖို့ကြံစည်းတဲ့သူက စိတ်ဝေဒနာရှင် တစ်ဦးပါ၊ ဟိုတယ်ဝန်ထမ်းတွေကတော့ မသိကြဘူး၊ ဟိုတယ်က ၃၁ ထပ်ရှိတယ်၊ အပေါ်ဆုံးထပ်မှာ ရေကူးကန်ရှိတော့ ရေ ကူးကန်ကို ရေကူးဖို့လာတယ်လို့ ဟိုတယ်ဝန်ထမ်းတွေကပြောတယ် ” ဟု အဆိုပါ မီးသတ်ဦးစီဌာန တာဝန်ရှိသူက ပြောပြလာသည်။
ခုန်ချရန် ကြံစည်နေသူ စိတ်ဝေဒနာရှင်ကို ည ၇ နာရီ ၂၀ မိနစ်အချိန်တွင် ဘေးကင်းရာသို့ ကယ်ဆယ်နိုင်ခဲ့ကြောင်း သတင်းရရှိပါသည်။
ဓာတ်ပုံ_မြန်မာနိုင်ငံမီးသတ်
#PAN