ဒီဇင်ဘာ ၁၈
အာဆင်နယ်အသင်းနဲ့ ဘရိုက်တန်အသင်းတို့ ဒီဇင် ဘာ ၁၇ ရက်ညပိုင်းမှာ ယှဉ်ပြိုင်ကစားခဲ့တဲ့ ပရီမီယာ လိဂ်ပွဲစဉ်(၁၇)မှာ အာဆင်နယ်အသင်းက ဘရိုက်တန် အသင်းကို အနိုင်ရရှိခဲ့တာကြောင့် အမှတ်ပေးဇယားထိပ်ဆုံးမှာ ယာယီဦးဆောင်ခွင့်ရရှိခဲ့ပါတယ်။
အာဆင်နယ်အသင်းဟာ ဘရိုက်တန်အသင်းကို နှစ်ဂိုးပြတ်နဲ့ အနိုင်ရရှိခဲ့တာဖြစ်ပြီး အာဆင်နယ်အသင်းအတွက် သွင်းဂိုးတွေကို ဒုတိယပိုင်းပွဲကစားချိန် ၅၃ မိနစ်မှာ ဂါဘရီယယ်ဂျီးဆပ်နဲ့ ၈၇ မိနစ်မှာ ကိုင်ဟာဗက်ဇ် တို့က သွင်းယူပေးခဲ့တာဖြစ်ပါတယ်။
အခုပွဲစဉ်မှာ အာဆင်နယ်အသင်းအတွက် အဖွင့်ဂိုးသွင်းယူပေးခဲ့တဲ့ တိုက်စစ်မှူး ဂါဘရီယယ်ဂျီးဆပ် ဟာ ယခုဘောလုံးရာသီမှာ ပရီမီယာလိဂ်ပြိုင်ပွဲ၌ အာဆင်နယ်အသင်းနဲ့အတူ တတိယမြောက်သွင်းဂိုးကို သွင်းယူနိုင်ခဲ့တာလည်းဖြစ်ပါတယ်။
အာဆင်နယ်အသင်းဟာ ဘရိုက်တန်အသင်းကို အနိုင်ရရှိခဲ့တာကြောင့် ပရီမီယာလိဂ်ပွဲစဉ်(၁၇)
အပြီးမှာ ရမှတ် ၃၉ မှတ်နဲ့ လီဗာပူးအသင်းပွဲစဉ်(၁၇) ယှဉ်ပြိုင်မကစားမီ အမှတ်ပေးဇယားထိပ်ဆုံးကို ဦး ဆောင်ခွင့်ရရှိခဲ့တာ ဖြစ်ပါတယ်။
ဒီဇင်ဘာ ၁၇ ရက် ညပိုင်းမှာ ယှဉ်ပြိုင်ကစားခဲ့တဲ့ အခြားသော ပရီမီယာလိဂ်ပွဲစဉ်တွေမှာတော့ အက်စ် တွန်ဗီလာအသင်းက ဘရန်းဖို့ဒ်အသင်းကို နှစ်ဂိုး – တစ်ဂိုးဖြင့် အနိုင်ရရှိခဲ့ကာ ပရီမီယာလိဂ်အမှတ်ပေးဇယားဒုတိယနေရာသို့ ယာယီတက်လှမ်းခွင့်ရရှိခဲ့ပြီး ဝက်စ်ဟမ်းအသင်းနဲ့ ဝုလ်ဗာဟမ်တန်အသင်းတို့ပွဲစဉ်မှာတော့ ဝက်စ်ဟမ်းအသင်းက ဝုလ်ဗာဟမ်တန်အသင်းကို သုံးဂိုးပြတ်နဲ့ အနိုင်ရရှိခဲ့တာ ဖြစ်ပါတယ်။
#PAN