ဓားစာခံ ဆွေးနွေးပွဲများ ပြန်လည်စတင်ရေးသွား ရောက်မည့် မော့ဆက်အကြီးအကဲ၏ ကာတာခရီးစဉ်ကို အစ္စရေးက ဖျက်သိမ်း

ဒီဇင်ဘာ ၁၄

      ဖြစ်နိုင်ချေရှိသော ဒုတိယအကြိမ် ဓားစာခံများ ပြန်လွှတ်ပေးရေး သဘောတူညီချက်အတွက် ဆွေးနွေးပွဲများ ပြန်လည်စတင်ရန် ၎င်း ၏နိုင်ငံခြားထောက်လှမ်း ရေးဌာနအကြီးအကဲက ကာတာနိုင်ငံသို့ သွားရောက်ရန် စီစဉ်ထားသည့် ခရီးစဉ်ကို အစ္စရေးက ဖျက်သိမ်းလိုက်ကြောင်း ညှိနှိုင်းမှုနှင့် နီးစပ်သူတစ်ဦးက CNN သို့ အတည်ပြုပြောကြားခဲ့သည်ဟု ဆိုသည်။

      မော့ဆက်ဒါရိုက်တာ David Barnea သည် ဂါဇာရှိ ဟားမတ်စ်စစ်သွေးကြွများ ဖမ်းဆီးထားသော ဓားစာခံများ လွတ်မြောက်ရေး ဆွေးနွေးပွဲများ ပြုလုပ်ခဲ့သည့် ကာတာမြို့တော် ဒိုဟာသို့ သွားရောက်မည် မဟုတ်ကြောင်း သတင်းရင်းမြစ်က ဆိုသည်။

    အစ္စရေးဝန်ကြီးချုပ် ဘင်ဂျမင်နေတန်ယာဟု ဦး ဆောင်သော အစ္စရေးစစ်ကက်ဘိနက်အဖွဲ့သည် ခရီး စဉ်ကို ရပ်ဆိုင်းလိုက်ကြောင်းနှင့် စေ့စပ်ညှိနှိုင်းမှုများ ပြန်လည်စတင်ရန် ကာတာနိုင်ငံသို့ အကြီးတန်းအစ္စရေးအရာရှိများ သွားရောက်မည်မဟုတ်ကြောင်း အစ္စရေးရုပ်သံလိုင်း ၁၃ က ဗုဒ္ဓဟူးနေ့တွင် ဖော်ပြခဲ့သည်။

    မွေးကင်းစမှ စ၍ အသက် ၈၀ / ၉၀ ကျော်များအထိ လူပေါင်း ၂၄၀ ခန့်ကို ဟားမတ်စ်တို့၏ တိုက်ခိုက်မှုအတွင်း အောက်တိုဘာ ၇ ရက်က ဓားစာခံအဖြစ် ဖမ်း ဆီးခေါ်ဆောင်သွားခဲ့သည်။ ပြီးခဲ့သည့်လက ယာယီအပစ်အခတ်ရပ်စဲရေး ပျက်ပြားသွားပြီးနောက် ဒါဇင်နှင့်ချီ၍ လွတ် မြောက်ခဲ့သော်လည်း ပျောက်ဆုံးနေသူအများအပြား ကျန်ရှိနေသေးပြီး ဂါဇာတွင် ပါလက်စတိုင်း စစ်သွေးကြွများနှင့် အခြားအုပ်စုများက ထိန်း သိမ်းထားသည်ဟု ယူဆရသည်။ 

     အစ္စရေးဝန်ကြီးချုပ်ရုံးက ဂါဇာတွင် ဓားစာခံ ၁၃၅ ဦး ကျန်ရှိနေသေးပြီး ၎င်းတို့အနက် ၁၁၆ ဦးမှာ အသက်ရှင်လျက် ရှိသည်ဟု ယုံကြည်သည်။

     Doha တွင် ယခုလအစောပိုင်းက ပြုလုပ်ခဲ့သော ဓားစာခံ ဆွေးနွေးပွဲများ ပျက်သွားပြီးနောက် တရား ဝင်ညှိနှိုင်းမှုများ ပြန်လည် မစတင်နိုင်သေးပါ။

     သို့သော် အစ္စရေး၊ အမေရိကန်နှင့် ကာတာတို့သည် နည်းလမ်းများကိုဆွေးနွေးမည့် ဆွေးနွေးပွဲများ စတင်ရေး ကြိုးစားရန်  ဆက်လက်လုပ်ဆောင်နေကြသည်ဟု သတင်းရင်းမြစ်များစွာက ဆိုသည်။  “ကျွန်တော်တို့ ဘယ်တော့မှ မရပ်ပါဘူး” ဟု ဆွေးနွေးပွဲနှင့် နီးစပ်သူတစ်ဦးက ပြော သည်။

      အစ္စရေး ဓားစာခံအချို့၏ မိသားစုများသည် ဗာနာ၏ ခရီးစဉ်ကို ဖျက်သိမ်းရန် ဆုံးဖြတ်ချက်ကြောင့် ဒေါသထွက်ခဲ့ကြပြီး အဖြေများ တောင်းဆိုခဲ့ကြသည်။  “လျစ်လျူရှုမှုနဲ့ အသေအပျောက်တွေကြောင့် ကျွန်တော်တို့ ငြီးငွေ့နေပါတယ်” ဟု ၎င်းတို့က ထုတ်ပြန်ချက်တွင် ဖော်ပြထားသည်။

     “ဓားစာခံများ လွတ်မြောက်ရေးအတွက် သဘောတူညီချက်တစ်ခု ရေးဆွဲရန် Mossad ဒါရိုက်တာ၏ တောင်းဆိုချက်ကို ပယ်ချခဲ့သည့် အစီရင်ခံစာကြောင့် မိသားစုများ တုန်လှုပ်ခြောက်ခြားသွားသည်” ဟု ထုတ်ပြန်ချက်တွင် ပါရှိသည်။ ထိုကြေညာချက်မှာ ဝန်ကြီး ချုပ်နှင့် ကာကွယ်ရေးဝန်ကြီးတို့ကို တွေ့ဆုံဖို့ မိဘများ၏ တောင်းဆိုမှုကို လျစ်လျူရှုသည့်အပြင် အခုထိ မဖြေမရသေးပါ။

      Barnea သည် အစ္စရေးအတွက် ဓားစာခံ စေ့စပ်ညှိနှိုင်းမှုများကို ဦးဆောင်နေပြီး ၎င်း၏ အမေရိကန် မဟာမိတ် CIA ဒါရိုက်တာ Bill Burns ကလည်း အမေရိကန်အတွက် အလားတူ လုပ်ဆောင်ပေးခဲ့သည်။

      အမေရိကန် နိုင်ငံသား ရှစ်ဦးသည် ဓားစာခံများထဲတွင် ပါဝင်သည်ဟု ယုံကြည်ရပြီး အမေရိကန်သည် ကာတာနှင့် ဟားမတ်စ်တို့နှင့် ထိတွေ့ဆက်ဆံမှုကို ဦးဆောင်သည့် ဖျန်ဖြေရေး အခန်းကဏ္ဍတွင် ပါဝင်ခဲ့သည်။

      ဗုဒ္ဓဟူးနေ့တွင်၊ အမေရိကန် ဓားစာခံများ၏ မိသား စုများသည် ဝါရှင်တန်တွင် သမ္မတ Joe Biden နှင့် တွေ့ ဆုံခဲ့သည်။  Burns နှင့် တွေ့ဆုံရန် CIA သို့လည်း သွား ရောက်ခဲ့ကြောင်း မိသားစုဝင်တစ်ဦး၏ ပြောကြားချက်အရ သိရသည်။  စီအိုင်အေ အစည်းအဝေးကို အမေရိကန် အရာရှိတစ်ဦးက အတည်ပြုခဲ့သည်။

       ဗုဒ္ဓဟူးနေ့တွင်၊ စေ့စပ်ညှိနှိုင်းရေး ကြိုးပမ်းမှုများနှင့် ရင်းနှီးသော သတင်းရင်းမြစ်တစ်ခုမှ CNN သို့ ပြောကြားရာတွင် ဟားမတ်စ်သည် မကြာသေးမီရက်များအတွင်း ပြုလုပ်ခဲ့သော ဓားစာခံ ဆွေးနွေးပွဲများကို ပြန်လည်စတင်ရန် ကြိုးပမ်းရာတွင် တုံ့ပြန်မှု မရှိသေးကြောင်း ပြောကြားခဲ့သည်ဟု CNN သတင်းဌာနက ဖော်ပြထားသည်။

#PAN