ဒီဇင်ဘာ ၁၃
မန္တလေးတိုင်းဒေသကြီး၊ တောင်သာမြို့နယ်၊ဘုရားလှကျေးရွာနှင့် ဖက်တောကျေးရွာကြား ယာခင်းတွင် ပြည်ခိုင်ဖြိုးပါတီ မြို့နယ်ကော်မတီဝင် တစ်ဦးကို အကြမ်းဖက် PDF များက ယနေ့ ညနေပိုင်းတွင် လာရောက်၍ သေနတ်ဖြင့် ပစ်ခတ်သတ်ဖြတ်သွားသည်ဟု သိရပါသည်။
တောင်သာမြို့နယ် ပြည်ခိုင်ဖြိုးပါတီ၊မြို့နယ်ကော် မတီဝင်ဖြစ်သူ ဦးဟန်ထွန်းအောင်၊၄၀နှစ်၊(ဘ)ဦးဝင်းအောင်၊တောင်သူ၊ဘုရားလှကျေးရွာ၊တောင်သာမြို့ နယ်နေသူသည် ၎င်းပိုင်ယာခင်းထဲတွင် ထွန်စက်ဖြင့် ထွန်ယက်နေစဥ် ယနေ့ ညနေ ၅ နာရီအချိန်ခန့်တွင် အကြမ်းဖက်သမား ၄ ဦးက ဆိုင်ကယ် ၃ စီးဖြင့် သေ နတ် တို/ရှည်များ ကိုင်ဆောင်ကာရောက်ရှိလာပြီး ဦးဟန်ထွန်းအောင်မှာ ထွန်စက်မောင်းနေရာမှ ကြောက်လန့်ပြီး ထွက် ပြေးစဥ် အကြမ်းဖက်အဖွဲ့မှ သေနတ်ဖြင့်ပစ်ခတ်ရာ ယာ-ပေါင် သေနတ် ၁ချက်ထိမှန်၍ ယာ ခင်းထဲလဲကျနေစဥ် အကြမ်းဖက်အဖွဲ့မှ ထပ်မံပစ်ခတ်သဖြင့် ဝဲဖက်မျက်လုံး ဖောက်ဝင်ဒဏ်ရာ ၁ ချက်၊ဝဲဖက်နားရွက် ရှပ်ထိဒဏ်ရာ ၁ ချက်ဖြင့် အခင်းဖြစ်နေရာ၌ သေဆုံးခဲ့ကြောင်း သိရသည်။
အကြမ်းဖက်သမားများသည် ဘုရားလှကျေးရွာ ၏ အရှေ့ဘက်ရှိ မိုးနှောင်းခင်းကျေးရွာဘက်သို့ ထွက်ခွာသွားကြောင်း သတင်းရရှိပါသည်။
#PAN