ဒီဇင်ဘာ ၈
ကမ္ဘာ့ထိပ်တန်းမဂ္ဂဇင်းဖြစ်သည့် Time မဂ္ဂဇင်း၏ ၂၀၂၃ ခုနှစ် တစ်နှစ်တာ အကောင်းဆုံးအားကစားသမား (Time’s 2023 Athlete of the Year) အဖြစ် ဘောလုံးကစားသမားများတွင် အာဂျင်တီးနားနဲ့ အင်တာမိုင်ယာမီ အသင်းတိုက်စစ်မှူး မက်ဆီက ပထမဆုံး ရရှိခဲ့ကြောင်း သိရသည်။
မက်ဆီသည် အာဂျင်တီးနားအသင်းနှင့် ၂၀၂၂ ကမ္ဘာ့ဖလား ဆွတ်ခူးနိုင်ခဲ့ပြီးနောက်ပိုင်း တစ်ဦးချင်း အကောင်းဆုံးဆုများကို ဆွတ်ခူးနိုင်ခဲ့ပြီး ဘောလုံး လောကတွင် အမြင့်မားဆုံးဆုဖြစ်သည့် ကမ္ဘာ့အကောင်းဆုံး ကစားသမားဆု (ဘလွန်းဒီအော့ဖ်) ကိုလည်း (၈) ကြိမ်မြောက် ဆွတ်ခူးနိုင်ခဲ့သည်။
လက်ရှိအချိန်ထိ Time မဂ္ဂဇင်း၏ တစ်နှစ်တာ အကောင်းဆုံး အားကစားသမား(Time’s 2023 Athlete of the Year) အဖြစ် တခြားအားကစားနည်းများမှ ထိပ်တန်းကစားသမားများ ရွေးချယ်ခံရဖူးသော်လည်း ဘောလုံး အားကစားနည်းတွင် တစ်ဦးမျှ ရွေးချယ်ခံရခြင်း မရှိဘဲ ယခုအခါမှသာ မက်ဆီက ပထမဆုံး ရွေးချယ်ခံရခြင်း ဖြစ်ကြောင်း သိရသည်။