ဒီဇင်ဘာ ၅
အမျိုးသားစွမ်းအားကို တောင့်တင်းခိုင်မာစေရန်အတွက် နိုင်ငံတွင်း မွေးဖွားမှု ကျဆင်းမှုကို တားဆီးရန် အမျိုးသမီးများ၏ တာဝန်ဖြစ်သည်ဟု မြောက်ကိုရီးယား ခေါင်းဆောင် ကင်ဂျုံအွန်းက ပြောကြားပြီး ၎င်း၏ အစိုးရသည် ပြည်သူ များအား ကလေးများ ပိုမိုမွေးရန် တောင်းဆိုမှုကို အရှိန်မြှင့်လိုက်ကြောင်း နိုင်ငံပိုင်မီဒီယာက တနင်္လာနေ့တွင် ပြောကြားခဲ့သည်။
မြောက်ကိုရီးယား၏ လူဦးရေအလားအလာအပေါ် အသေးစိတ် မှန်းဆကြည့်ရန်မှာ ၎င်းအကန့်အသတ်ဖြင့် ဖော်ပြထားသည့် စာရင်းဇယားများကြောင့် အလွန်ခက်ခဲသော်လည်းမြောက်ကိုရီးယား၏ မွေးဖွားနှုန်းသည် လွန်ခဲ့သည့် ၁၀ နှစ်အတွင်း ဆက်တိုက်ကျဆင်းလာသည်ဟု တောင်ကိုရီးယား အစိုးရက အကဲ ဖြတ်သည်။ ၎င်းမှာ ကျိုးပဲ့ပျက်စီး၍ ကြီးလေးသည့် ဒဏ်ခတ်ပိတ်ဆို့ခံထားရပြီး စီးပွားရေးကို ထိန်းထားနိုင်ရန် စည်းရုံးထားသော အလုပ်သမားကူညီစောင့် ရှောက်မှုအပေါ် မူတည်နေသည့် နိုင်ငံတစ်ခု ဖွံ့ဖြိုးတိုးတက်ရေးနှင့် သက်ဆိုင်ပါသည်။
ကင်ဂျုံအွန်သည် အမျိုးသမီးများအတွက်ကလေးပိုမိုမွေးရန် နောက်ဆုံးတောင်းဆိုချက်ကို တနင်္ဂနွေနေ့က ၁၁ နှစ်အတွင်း ပထမဆုံးအကြိမ်အဖြစ် ပြုလုပ်ခဲ့သည့် နိုင်ငံ၏မိခင်များ အစည်း အဝေးတွင် ပြောကြားခဲ့ခြင်း ဖြစ်သည်။
“ကလေးမွေးဖွားနှုန်း ကျဆင်းမှုကို ရပ်တန့်ရန်နှင့် ကလေးစောင့်ရှောက်မှုနှင့် ပညာရေးကို ကောင်းမွန်စွာ ပံ့ပိုးပေးခြင်းသည် ကျွန်ုပ်တို့ မိခင်များနှင့် အတူ ဖြေရှင်းသင့်သော မိသားစုကိစ္စရပ်များဖြစ်သည်” ဟု Kim က ၎င်း၏ အဖွင့်မိန့်ခွန်းတွင် ပြောကြားခဲ့သည်။
တောင်ကိုရီးယား၏ အစိုးရစာရင်းအင်း အေ ဂျင်စီ၏ အဆိုအရ မြောက်ကိုရီးယား၏ စုစု ပေါင်းမွေးဖွားနှုန်း သို့မဟုတ် ၎င်း၏သက်တမ်းတစ်လျှောက် အမျိုးသမီးတစ်ဦးမှ မွေးဖွားလာမည့် ပျမ်းမျှကလေးအရေအတွက်သည် ၂၀၁၄ ခုနှစ်တွင် ၁.၈၈ ရှိရာမှ ၂၀၂၂ ခုနှစ်တွင် ၁.၇၉ အထိ ကျဆင်းသွားခဲ့သည်။ တောင်ကိုရီးယားနိုင်ငံတွင် ၂၀၁၄ ခုနှစ်တွင် ၁.၂၀ ရှိရာမှ ယမန်နှစ်က ၀.၇၈ ရှိခဲ့ရာ မြောက်ကိုရီးယား၏ ကျဆင်းမှုသည် ၎င်း၏ ချမ်းသာသော ပြိုင်ဘက် တောင်ကိုရီးယားထက် နှေးကွေးနေသေးကြောင်း သိရသည်။
#PAN