ဒီဇင်ဘာ ၁
Meta သည် ၂၀၂၄ ခုနှစ် သမ္မတရွေး ကောက်ပွဲမတိုင်မီ အမေရိကန် နိုင်ငံရေးနှင့် ပတ်သက်သော အကြောင်းအရာများ ပျံ့နှံ့စေရန် ရည်ရွယ်သည့် တရုတ်နိုင်ငံအခြေစိုက် သြဇာလွှမ်းမိုးသော လှုံ့ဆော်မှု၏ တစ်စိတ်တစ်ပိုင်းဖြစ်သည့် အကောင့်အတု ၄၈၀၀ နီးပါးကို ဖယ်ရှားလိုက်ပြီဖြစ်ကြောင်း နည်းပညာကုမ္ပဏီကြီးမှ ကြေညာခဲ့သည်။
သြဇာလွှမ်းမိုးမှု စစ်ဆင်ရေးသည် ၂၀၂၃ ခုနှစ် တတိယသုံးလပတ်တွင် Facebook နှင့် Instagram ကို ပိုင်ဆိုင်သည့် Meta မှ တွေ့ရှိခဲ့သည့် တရုတ်အခြေစိုက် လှုံ့ဆော်မှု နှစ်ခုအနက်မှ တစ်ခုဖြစ်သည်ဟု ကြာသပ တေးနေ့တွင် ထုတ်ပြန်ခဲ့သည့် အဆိုပါ နည်းပညာကုမ္ပဏီကြီး၏ နောက်ဆုံးခြိမ်းခြောက်မှု ပဋိပက္ခဆိုင် ရာ အစီရင်ခံစာတွင် ပြောကြားခဲ့သည်။
၎င်း လှုပ်ရှားမှုနောက်ကွယ်ရှိ လူများက အမေရိကန် နိုင်ငံရေးနှင့် အမေရိကန် – တရုတ်ဆက် ဆံရေးအကြောင်း အင်္ဂလိပ်လို ရေးထားပါသည်။ တူညီသောအကောင့်များသည် X လူမှုကွန်ယက် ပေါ်ရှိလူများထံမှ ကူးယူကူးထည့်ထားသောပါတီစွဲ အကြောင်းအရာဖော် ပြချက်များကို အသုံးပြုခြင်းဖြင့် အမေရိကန်နိုင်ငံရေးနယ်ပယ်၏ နှစ်ဖက်စလုံးကို ဝေဖန်လိမ့်မည်” ဟု Meta မှ ပြောကြားခဲ့သည်။
အတုအယောင်အထောက်အထားများအောက်တွင် ရှိနေသည့်သတင်းများနှင့် နိုင်ငံရေး သမားများ၏ စစ်မှန်သော ပို့စ်များကို ပြန်လည်မျှဝေစဉ်တွင် အကောင့်များ၏ကွန်ရက်သည် Liberal နှင့် Conservative ရင်း မြစ်နှစ်ခုလုံးမှ ဆွဲဆောင်သွားကြောင်း Meta မှ ပြောကြားခဲ့သည်။
“ဒီနည်းလမ်းဟာ ပါတီတွင်းအလိုက် တင်းမာမှုတွေကို ချဲ့ထွင်ဖို့၊ အဲဒီနိုင်ငံရေးသမားတွေကို ထောက်ခံသူတွေကြားထဲမှာ ပရိသတ်ကို တည်ဆောက်ဖို့၊ ဒါမှမဟုတ် စစ်မှန်တဲ့အကြောင်းအရာကို မျှဝေတဲ့အကောင့်အတုတွေကို ပိုစစ်မှန်တဲ့ပုံပေါ်အောင်လုပ်ဖို့ ဒီနည်းလမ်းကို ရေးဆွဲထားခြင်းရှိ၊ မရှိ မသေချာပါဘူး” ဟု နည်းပညာကုမ္ပဏီက ပြောကြားခဲ့သည်။
ယခုနှစ်တွင် တရုတ်နိုင်ငံတွင် အခြေစိုက်သည့် စုစု ပေါင်း သြဇာလွှမ်းမိုးမှု လှုပ်ရှားမှုငါးခုကို ဖျက်ဆီးခဲ့ကြောင်း Meta မှ ပြောကြားခဲ့သည်။ Meta သည် ထို ကွန်ရက်ကို တရုတ်အစိုးရသို့မဟုတ် တရုတ်နိုင်ငံရှိ အခြားသော သီးခြားပုဂ္ဂိုလ် သို့မဟုတ် အဖွဲ့အစည်းဟု မှတ်ယူခြင်းမရှိပါ။
၎င်း နည်းပညာကုမ္ပဏီကြီးသည် ယူကရိန်းကို ရုရှားကျူးကျော်မှုနှက့် ပတ်သက်သည့် အကြောင်း အရာများကို ဖြန့်ခဲ့သည့် အတုအယောင် “မီဒီယာ” အမှတ်တံဆိပ်များကို အသုံးပြုသည့် ရုရှားအခြေစိုက်ကွန်ရက်တစ်ခုကိုလည်း တတိယသုံးလပတ်တွင် ပိတ်ပစ်ခဲ့ကြောင်း ပြောကြားခဲ့သည်။
Facebook နှင့် X ကဲ့သို့ နည်းပညာပလပ်ဖောင်းများကို ၂၀၂၄ ခုနှစ် သမ္မတရွေးကောက်ပွဲများအထိ ဦးတည်လာသောအခါတွင် သမ္မတ Joe Biden နှင့် သမ္မတဟောင်း Donald Trump တို့ကြား တကျော့ပြန် ၂၀၂၀ ပြိုင်ပွဲကဲ့သို့ အလွန်ကွဲပြားသောမဲဆန္ဒရှင်များ ဖြစ်လာသည့် ယင်းကာလအတွင်း သဘော ထားကွဲလွဲမှုများကို အစပျိုးရန် အသုံးပြုနိုင်သည်ဟူသော စိုး ရိမ်မှုများကြားတွင် Meta ၏အစီရင်ခံစာသည် ထွက်ပေါ် လာသည်။
အမေရိကန်ပြည်တွင်းလုံခြုံရေးဌာနက ပြည်ပဘေး အန္တရာယ်များသည် “ကျွန်ုပ်တို့၏အစိုးရအဖွဲ့အစည်းများ၊ လူမှုစည်းလုံးညီညွတ်မှုနှင့် ဒီမိုကရေစီလုပ်ငန်း စဉ်များ” ကို ယုံကြည်မှုပျက်ပြားစေရန် ဉာဏ်ရည်တုကဲ့သို့သော နည်းပညာအသစ်များကို ပိုမိုအသုံးပြုနေကြောင်း စက်တင်ဘာလတွင် သတိပေးခဲ့သည်။
ရုရှားသည် ၂၀၁၆ သမ္မတ ရွေးကောက်ပွဲတွင် ဝင်ရောက်စွက်ဖက်ရန် ကြိုးပမ်းမှု၏ တစ်စိတ်တစ်ပိုင်းအဖြစ် အမေရိကန်တွင် သဘောထားကွဲ လွဲစေရန် ဆိုရှယ်မီဒီယာကို အသုံးပြုခဲ့ကြောင်း အမေရိကန် အထက်လွှတ်တော်နှင့် အထူးအကြံ ပေး အစီရင်ခံစာများတွင် တွေ့ရှိခဲ့သည်ဟု ဆို သည်။
Source; Aljazeera
#PAN