နိုဝင်ဘာ ၂၀
ဂါဇာကမ်းမြောင်တွင် ထိန်းသိမ်းထားသော အစ္စရေးဓားစာခံများကို လွှတ်ပေးရန် လက်ရှိအချိန်အထိ သဘောတူညီမှု မရရှိသေးကြောင်း အစ္စရေးဝန်ကြီးချုပ် နေတန်ယာဟုက ယမန်နေ့တွင် ပြုလုပ်သည့် သတင်းစာရှင်းလင်းပွဲတွင် ပြောကြားသည်။
ဂါဇာတွင် ထိန်းသိမ်းခံထားရသော ဓားစာခံ ၂၄၀ ခန့်ကို ပြန်လွှတ်ပေးရေး သဘောတူညီချက်နှင့် ပတ် သက်၍ မှားယွင်းသောသတင်းများကို ဝန်ကြီးချုပ် နေတန်ယာဟုက ငြင်းဆိုခဲ့ပြီး ယင်း သို့ သဘောတူညီမှု ရရှိခဲ့ပါက အစ္စရေးပြည်သူများအား ချက်ချင်းအသိ ပေးမည် ဖြစ်ကြောင်း ပြောကြားသည်။
အစ္စရေး ပြည်သူအားလုံးသည် ဓားစာခံများ၏ မိသားစုဝင်များနှင့်အတူ တစ်စိတ်တစ် ဝမ်းတည်းရှိကြောင်းနှင့် ပြည်သူအချို့သည် တဲလ်အဗစ်မြို့မှ ဂျေရုဆလင်သို့ ငါးရက်ကြာ ချီတက်ကာဓားစာခံများ လွတ်မြောက်ရေးအတွက် ပိုမိုအားသွန်ခွန်စိုက် ကြိုး ပမ်းလုပ်ဆောင်ရန် အစ္စရေးအစိုးရကို တိုက်တွန်းလျက်ရှိကြောင်း ဝန်ကြီးချုပ် နေတန်ယာဟုက ဆိုသည်။
ဓားစာခံများ လွတ်မြောက်ရေးအတွက် မည် သို့ ကြိုးပမ်းဆောင်ရွက်လျက်ရှိ သလဲဆိုသည်ကို ရှင်းပြရန်အတွက် လာမယ့်ရက်ပိုင်းအတွင်း အစိုး ရအဖွဲ့နှင့် တွေ့ဆုံရန် မိသားစုကိုယ်စားလှယ်များကို ဖိတ်ကြားထားကြောင်း နေတန်ယာဟုက ပြော သည်။
စစ်ပွဲရပ်တန့်ရန် နိုင်ငံတကာဖိအားများ မြင့်တက်လျက်ရှိသော်လည်း အစ္စရေး တပ်မတော် အနေဖြင့် ဟားမတ်စ်အဖွဲ့ကို စစ်ဆင်နွှဲမှုများဆက်လက်ဆောင် ရွက်သွားမည်ဖြစ်ကြောင်း ဝန်ကြီးချုပ် နေတန်ယာဟုက ကတိပြုခဲ့သည်။
အစ္စရေးတပ်ဖွဲ့သည် ဟားမတ်စ်အဖွဲ့၏ အကြမ်း ဖက်တိုက်ခိုက်မှုများ အပေါ် လက်တုံ့ပြန်သည့်အနေ ဖြင့် အောက်တိုဘာ ၇ ရက်မှစပြီး ဂါဇာကမ်းမြောင် ဒေသ၌ စစ်ဆင်နွှဲမှုများ ပြုလုပ်လျက်ရှိသည်။
Source: Xinhua