နိုဝင်ဘာ ၈
ဂါဇာရှိ ဟားမတ်စ်တို့ ထိန်းသိမ်းထားသော ဓားစာ ခံအချို့ကို ပြန်လွှတ်ပေးမှု တိုးတက်စေရန် ဂါဇာတွင် သုံးရက်ကြာ အပစ်အခတ် ခေတ္တရပ်ထားရန် အစ္စရေးဝန်ကြီးချုပ် ဘင်ဂျမင်နေတန်ကို ယမန်နေ့က ဖုန်းခေါ်ဆိုမှုတွင် သမ္မတ ဘိုင်ဒင်က တိုက်တွန်းခဲ့သည်။
အမေရိကန်၊ အစ္စရေးနှင့် ကာတာတို့အကြား ဆွေး နွေးနေသည့် အဆိုပြုချက်အရ ဟားမတ်စ်သည် ဓား စာခံ ၁၀ – ၁၅ ဦးကို လွှတ်ပေးမည်ဟု အမေရိကန် အရာရှိက ပြောကြားခဲ့သည်။
သုံးရက်ကြာ အပစ်အခတ် ခေတ္တရပ်ထားမှုအတွင်း ဓားစာခံအားလုံး၏ အထောက်အထားများကို အတည် ပြုပြီး အမည်စာရင်း ပေးပို့ခြင်းကို ဟားမတ်စ်အဖွဲ့က ဆောင်ရွက်မည်ဖြစ်သည်။
အစ္စရေးတွင် အောက်တိုဘာ ၇ ရက်က ဟားမတ်စ်အကြမ်းဖက်တိုက်ခိုက်မှုအတွင်း အနည်း ဆုံး လူ ၂၄၀ ထက်မနည်း ပြန်ပေးဆွဲခံခဲ့ရကြောင်း အစ္စရေးတာဝန် ရှိသူများက ပြောသည်။ဟားမတ်စ်သည် သက်ကြီးအစ္စရေး အမျိုးသမီး နှစ်ဦးနှင့် အမေရိကန်နိုင်ငံသား နှစ်ဦးတို့ကို လွှတ်ပေးခဲ့သည်။
အမေရိကန်နှင့် အစ္စရေး အရာရှိနှစ်ဦးက နေတန်ယာဟုက ဘိုင်ဒင်အား ဟားမတ်စ်တို့၏ ရည်ရွယ်ချက်များကို အယုံအကြည်မရှိကြောင်းနှင့် ၎င်းတို့က အဆို ပါ အပေးအယူကိစ္စကို သဘောတူရန် အဆင်သင့်ဖြစ်နေပြီဟု မယုံကြည်ကြောင်း ပြောကြားခဲ့သည်။
တိုက်ပွဲများ သုံးရက်ကြာ ရပ်သွားပါက အစ္စရေး အနေဖြင့် စစ်ဆင်ရေးအတွက် လက်ရှိ နိုင်ငံတကာ ထောက်ခံအားပေးမှု ဆုံးရှုံးနိုင်ကြောင်း နေတန်ယာဟုက ပြောကြားခဲ့သည်ဟု ၎င်းအရာရှိများက ပြောခဲ့သည်။
နေတန်ယာဟု၏ ကြိုတင်မှာကြားမှု တစ်စိတ်တစ် ပိုင်းမှာ ဟားမတ်စ်သည် ၂၀၁၄ ခုနှစ်က အစ္စရေး စစ်သားတစ်ဦးကို ပြန်ပေးဆွဲကာ လူသား ချင်းစာနာထောက်ထားမှု ခေတ္တရပ်ထားစဉ် အခြားအများအပြားကို သတ်ဖြတ်ခဲ့ခြင်းဖြစ်ကြောင်း အစ္စရေးအရာရှိက Axios သို့ ပြောကြားခဲ့သည်။
အစ္စရေးဝန်ကြီးချုပ်ရုံးက မှတ်ချက်ပေးရန် ငြင်းဆိုခဲ့သည်။ အိမ်ဖြူတော်က ဘိုင်ဒင်နှင့် နေတန်ယာဟုတို့ကြား အင်္ဂါနေ့က ပြောဆိုမှုအပြီးတွင် ခေါင်းဆောင် နှစ်ဦးသည် “ဟားမတ်စ်က ဖမ်းဆီးထားသော ဓားစာခံများ လွတ်မြောက်ရေးအတွက် ဆက်လက်ကြိုးပမ်းမှုများကို ဆွေးနွေးခဲ့ကြသည်” ဟု ပြောကြားခဲ့သည်။ Biden ၏ လျှို့ဝှက်ပြောဆိုမှုများအပေါ် မှတ်ချက်ပေးခြင်းမရှိကြောင်း အိမ်ဖြူတော်က ပြောကြားခဲ့သည်။
CIA ဒါရိုက်တာ Bill Burns သည် ယခုသီတင်းပတ်အတွင်း အရှေ့အလယ်ပိုင်းတွင် ရှိနေပြီး ၎င်း၏ အာရုံ စိုက်မှု တစ်စိတ်တစ်ပိုင်းမှာ ဓားစာခံများ လွတ်မြောက် ရေး ဖြစ်သည်။ သူသည် အစ္စရေးတွင် ဆွေးနွေးခဲ့ပြီး ယခုသီတင်းပတ်နှောင်းပိုင်းတွင် ကာတာအရာရှိများနှင့် တွေ့ဆုံမည်ဖြစ်သည်။
သောကြာနေ့က Tel Aviv တွင် နိုင်ငံခြားရေဝန်ကြီး Tony Blinken နှင့် တွေ့ဆုံပြီးနောက် နေတန်ယာဟုသည် လူသားချင်းစာနာမှု ခေတ္တရပ်ရန် အမေရိကန်၏ တောင်းဆိုမှုကို ပယ်ချခဲ့ပြီး ဓားစာခံများ လွတ်မြောက်ပါက ယာယီအပစ်အခတ်ရပ်စဲရေးကို အစ္စရေးက သဘောတူမည်ဖြစ်ကြောင်း ပြောကြားခဲ့သည်။
နေတန်ယာဟုက တိုက်ပွဲများတွင် သုံးရက် ကြာ ခေတ္တရပ်ထားမှုကို အပစ်အခတ်ရပ်စဲရေးအဖြစ် မြင်ပြီး ယခုကဲ့သို့ ဓားစာခံအရေအတွက် အနည်းငယ်ကို လွှတ်ပေးရန် အချိန်များစွာ လို အပ်သည်ဟု မယုံ ကြည်ကြောင်း အစ္စရေးအရာရှိတစ်ဦးက ပြောကြားခဲ့သည်။
Source; Axios
#PAN