နိုဝင်ဘာ ၆
ဂျော်ဒန်နှင့် အစ္စရေးတို့က ဂါဇာကမ်းမြှောင်ရှိ လယ်ကွင်းဆေးရုံသို့ အရေးပေါ်ဆေးဘက်ဆိုင်ရာ အထောက်အပံ့များ ဝေဟင်မှ ချပေးခဲ့ကြောင်း ကြေညာခဲ့သည်။
ဂျော်ဒန်လေတပ်မှ “အရေးပေါ်ဆေးဘက်ဆိုင်ရာအကူအညီ” ကို ၂၀၀၉ ခုနှစ်ကတည်းက အခြားနယ်မြေအတွင်း ဘုရင့်နိုင်ငံတော်က စီမံခန့်ခွဲနေသည့် စစ်မြေပြင်ဆေးရုံသို့ ချထားပေးခဲ့ကြောင်း ဂျော်ဒန်ဘုရင် Abdullah II တနင်္လာနေ့အစောပိုင်းတွင် ပြောကြားခဲ့သည်။
“ကျွန်ုပ်တို့၏ မကြောက်မရွံ့သောလေတပ်သားများသည် ဂါဇာရှိ ဂျော်ဒန်စစ်မြေပြင်ဆေးရုံသို့ အရေးပေါ်ဆေးဘက်ဆိုင်ရာအကူအညီများ ညသန်းခေါင်တွင် ဝေဟင်မှ ချပေးခဲ့သည်” ဟုယခင်က Twitter ဟုလူသိများသော X တွင်ပြောကြားခဲ့သည်။
“ဂါဇာကမ်းမြောင်စစ်ပွဲမှာ ထိခိုက်ဒဏ်ရာရတဲ့ ညီအစ်ကိုညီအစ်မတွေကို ကူညီဖို့ ဒါက ကျွန်တော်တို့ရဲ့တာဝန်ပါ။ “ကျွန်တော်တို့ရဲ့ ပါလက်စတိုင်း ညီအစ်ကိုတွေအတွက် အမြဲရှိနေမှာပါ။” ဟု ၎င်းက ဆိုသည်။
အစ္စရေးစစ်တပ်က ၎င်း၏အာရပ်အိမ်နီးချင်းများနှင့် “ညှိနှိုင်း” ပြီး ရိက္ခာအပါအ၀င် အရေးပေါ်းအကူအညီများကို လေကြောင်းမှ ချပေးခဲ့သည်ဟု တနင်္လာနေ့နှောင်းပိုင်းတွင် ထုတ်ပြန်ချက်တစ်ခုတွင် ပြောကြားခဲ့သည်။
” လူနာတွေအတွက် ဆေးဘက်ဆိုင်ရာ ဝန် ထမ်းတွေက စက်ပစ္စည်းတွေကို အသုံးပြုသွားမှာပါ” ဟု ၎င်းကဆိုသည်။
ပြီးခဲ့သောလတွင် အမည်မဖော်လိုသူ အရာရှိတစ်ဦးကို ကိုးကား၍ ဆော်ဒီအာရေဗျသတင်းဌာနက ဂျော်ဒန် စစ်မြေပြင်ဆေးရုံသည် “ဖြစ်တည်နေသော ခြိမ်းခြောက်မှု” နှင့် ရင်ဆိုင်နေရပြီး အစ္စရေး၏ ဗုံးကြဲတိုက်ခိုက်မှုအတွင်း ထောက်ပံ့ရေးပစ္စည်းများ ပြတ်တောက်မှုကြောင့် မကြာမီ လုပ်ငန်းလည်ပတ်မှု ရပ်ဆိုင်းသွားဖွယ်ရှိကြောင်း ဖော်ပြခဲ့သည်။
အစ္စရေး၏ ပိတ်ဆို့ထားမှုနှင့် ဗုံးခွဲမှုကြောင့် ဖြစ်ပေါ်လာသော စားနပ်ရိက္ခာ၊ ရေ၊ လျှပ်စစ်နှင့် လောင်စာ ပြတ်တောက်မှုကြောင့် လူသားချင်းစာနာထောက်ထားမှုဆိုင်ရာ အကျပ်အတည်း ကြီးထွားလာနေကြောင်း လူသားချင်းစာနာထောက် ထားမှုဆိုင်ရာ အဖွဲ့အစည်းများက သတိပေးထားသည်။
တနင်္ဂနွေနေ့တွင် ကုလသမဂ္ဂအေဂျင်စီများနှင့် NGO ၁၈ ခုမှ အကြီးအကဲများသည် ဂါဇာကမ်းမြောင်ဒေသအား ဝိုင်းရံထားမှုကို “လက်မခံနိုင်” အဖြစ် ရှုတ်ချပြီး အကူအညီများကို “ဘေးကင်းစွာ၊ လျင်မြန်စွာနှင့် လိုအပ်သည့်အတိုင်း အတာအထိ” ပေးအပ်ရန် တောင်းဆိုထားသည်။
အစ္စရေး၊ သိမ်းပိုက်ထားသော အနောက်ဘက်ကမ်း၊ ဂျော်ဒန်နှင့် အီရတ်တို့ကို သွားရောက်လည် ပတ်ပြီးနောက် ဒေသတွင်း သံတမန်ရေးရာ ခရီး စဉ်တစ်စိတ်တစ်ပိုင်းအဖြစ် အမေရိကန် နိုင်ငံ ခြားရေးဝန်ကြီး အန်တိုနီ ဘလင်ကင်သည် တူရကီနိုင်ငံသို့ ရောက်ရှိလာချိန်တွင် ထို လေကြောင်းမှ အကူအညီထောက်ပံခြင်း ထွက်ပေါ်လာခြင်းဖြစ်သည်။
အခြားအာရပ်နိုင်ငံတွေလိုပဲ ဂျော်ဒန်ဟာ ဂါဇာကမ်းမြောင်ကို အစ္စရေးရဲ့ ဗုံးကြဲတိုက်ခိုက်မှုကို ပြင်းပြင်းထန်ထန် ရှုတ်ချခဲ့ပြီး ဟားမတ်စ်အုပ် ချုပ်တဲ့ နယ်မြေက ပါလက်စတိုင်း ၉,၉၂၂ ဦးထက်မနည်း သေဆုံးခဲ့တယ်လို့ အရာရှိတွေက ပြောပါတယ်။
နယ်မြေအတွင်း “မကြုံစဖူး လူသားချင်းစာနာထောက်ထားမှုဆိုင်ရာ ကပ်ဘေး” ကို ဖန်တီးနေ သည်ဟု စွပ်စွဲပြီးနောက် ဂျော်ဒန်သည် အစ္စရေးနိုင်ငံဆိုင်ရာ ၎င်း၏သံအမတ်အား ပြန်လည်ခေါ်ယူခဲ့သည်။
Source; Al jazeera
#PAN