နိုဝင်ဘာ ၅
ပြီးခဲ့သည့်လက ဟားမတ်စ်စစ်သွေးကြွများ ၏ တိုက်ခိုက်မှုကို တုံ့ပြန်သည့်အနေနှင့် အစ္စရေးက ဂါဇာကမ်းမြောင်ကို ဗုံးကြဲချပြီးနောက်ပိုင်း အကြီးမားဆုံး ပါလက်စတိုင်းလိုလားသည့် ဆန္ဒ ပြပွဲများအတွက် စနေနေ့က ဝါရှင်တန် မြို့တော်မှာ အနည်းဆုံး လူသောင်းနှင့်ချီ စုဝေးခဲ့ကြပါသည်။
အစ္စရေး၏ လေကြောင်းတိုက်ခိုက်မှုအတွင်း ပါလက်စတိုင်း ထောင်နှင့်ချီ သေဆုံးခဲ့ကြသည်ဟု ကျန်းမာရေးအရာရှိများက ပြောပါသည်။
ပါလက်စတိုင်းလိုလားသူအများအပြားက စီစဉ်ကျင်းပသည့် အဆိုပါပွဲကို Freedom Plaza တွင် နေ့ခင်းပိုင်း လူထုစုဝေးပွဲဖြင့် စတင်ခဲ့ပြီး လူအုပ်ကြီးသည် အိမ်ဖြူတော်နှင့် အနည်း ငယ်အကွာမှ အိမ်ဖြူတော်ဘက်သို့ ချီတက်ဆန္ဒပြခဲ့ကြသည်။
ချီတက်ပွဲ၌ ပါလက်စတိုင်းလူမျိုးများကိုလူမျိုးတုံးသတ်ဖြတ်မှုအဖြစ် သမ္မတဘိုင်ဒင်က ကျောထောက် နောက်ခံပြုသည်ဟု စွပ်စွဲကာ စစ်ပွဲအတွင်း အစ္စရေးအတွက် အမေရိကန်၏ ရန်ပုံငွေများကို အဆုံးသတ်ရန် ဟောပြောသူများ၏ ရွတ် ဆိုသံများနှင့် စာတိုပေးပို့ခြင်းများကို အဓိကထား လုပ်ဆောင်ခဲ့သည်။
ပါလက်စတိုင်း စစ်ဆန့်ကျင်ရေးအဖွဲ့အစည်း Code Pink ၏ စည်းရုံးရေးမှူး Nour Jaghama က လူစုလူဝေးအား “ ဂါဇာက ကိုယ် တွေ့ အဖြစ်ပျက်တွေနဲ့ ဒီစကားတွေ ဘာလို့ကြား နေရတာလဲ ? လူမျိုးတုံးသတ်ဖြတ်မှုတွေ ဆက်ရှိနေဆဲပါ။ ကိုယ်စားလှယ် ၁၈ ဦးနဲ့ အထက် လွှတ် တော်အမတ်တစ်ဦးတည်းက အပစ်အခတ်ရပ်စဲရေးကို ဘာကြောင့် ထောက်ခံတာလဲ။” ဟု တောင်းဆိုခဲ့သည်။
စနေနေ့က လူထုစုဝေးပွဲ၌ ဆန္ဒပြသူများသည် အစ္စရေး၏ တုံ့ပြန်ထိုးစစ်ကြောင့် သေဆုံးခဲ့ရသူများအတွက် အခိုက်အတန့်ငြိမ်သက်ခဲ့ကြသည်။ ပြီးခဲ့သည့် လေးပတ်အတွင်း အစ္စရေး၏ စစ်ရေးတိုက်ခိုက်မှုများကြောင့် ပါလက်စတိုင်း ၉,၄၈၀ ကျော် သေဆုံးခဲ့ကြောင်း ဂါဇာကျန်းမာ ရေးဝန်ကြီးဌာနက ပြောကြားခဲ့သည်။
ဂါဇာကမ်းမြှောင်မြောက်ပိုင်းရှိ ဂါဇာကမ်း မြောင်ဒေသကို အစ္စရေးက တင်းကျပ်ထား သည်။ ဟားမတ်စ်စစ်သွေးကြွအဖွဲ့သည် အောက် တိုဘာ ၇ ရက်က တိုက်ခိုက်မှုများပြုလုပ်ပြီးနောက် ဟားမတ်စ်အဖွဲ့ကို ချေမှုန်းရန်အတွက် မြေပြင်ထိုးစစ်ကို အရှိန်မြှင့်ခဲ့သည်။
ချီတက်ပွဲတွင် တက်ရောက်လာသူအားလုံးသည် အပစ်အခတ်ရပ်စဲရေးကို ထောက်ခံကြောင်း ဟောပြောခဲ့သည်။
အမေရိကန် တာဝန်ရှိသူများသည် အပစ်အခတ်ရပ်စဲရေး တောင်းဆိုချက်များကို ယခုအချိန်အထိ ရပ်တန့်ထားသော်လည်း ဟားမတ်စ်က ဖမ်းဆီးထားသည့် ဓားစာခံ ၂၀၀ ကျော်ကို လွှတ်ပေးရန်နှင့် ဂါဇာကမ်းမြောင်သို့ နောက်ထပ်အကူအညီများ ပေးအပ်ရန် အစ္စရေး၏ စစ်ရေး ထိုးစစ်တွင် လူသားချင်းစာနာမှုဆိုင်ရာ အပစ်အခတ် ခေတ္တရပ်ရန်တို့ကို သောကြာနေ့တွင် ဖိအားပေးခဲ့သည်။
အပစ်အခတ် ရပ်စဲရေးသည် ဓားစာခံများ လွတ် မြောက်ရေး အတွက် ဆက်နွှယ်နေသည်ဟု အစ္စရေးက ငြင်းဆိုခဲ့သည်။ သောကြာနေ့နှောင်းပိုင်းတွင် အစ္စရေးလေကြောင်းတိုက်ခိုက်မှုသည် ဂါဇာရှိ အဓိကဆေးရုံဖြစ်သော Al Shifa အနီးရှိ လူနာတင်ယာဉ်ကို ထိမှန်ခဲ့သည်။ တိုက်ခိုက်မှုအတွင်း လူတစ်ဒါဇင်ကျော် သေဆုံးခဲ့ကြောင်း ပါလက်စတိုင်းတို့က ပြောကြားခဲ့သည်။ ဗုံးခွဲတိုက် ခိုက်မှု၏ ပစ်မှတ်မှာ ဟားမတ်စ်ဖြစ်ကြောင်း အစ္စရေးစစ်တပ်က ပြောကြားခဲ့ပြီး ၎င်းတို့မှာ ဟားမတ်စ်အဖွဲ့ဝင်များ ဖြစ် ကြောင်း အစ္စရေးစစ်တပ်က ပြောကြားရာတွင် ထိလွယ်ရှလွယ်နေရာများကို ဖုံးကွယ်ရန် အသုံးပြုနေသည်ဟု ပြောကြားခဲ့သည်။
အမေရိကန်သည် အစ္စရေးကို စစ်ရေးအကူ အညီ ဘီလီယံနှင့်ချီ၍ နှစ်ပေါင်းများစွာ ပေးခဲ့သည်။ ပြီးခဲ့သောလတွင် သမ္မတ Biden သည် အစ္စရေးအတွက် စစ်ရေးအကူအညီ ဒေါ်လာ ၁၄ ဘီလီယံကျော်ကို ကွန်ဂရက်လွှတ်တော်သို့ တောင်းဆိုခဲ့သည်။
Source; NPR News
#PAN