နိုဝင်ဘာ ၂
■ လားရှိုး
နိုဝင်ဘာ(၁)ရက် ညနေ ၄ နာရီ ၄၇ မိနစ်အချိန်ခန့်တွင် မယ်ဟန်ရွာစစ်ဆေးရေးဂိတ်အား အကြမ်းဖက်သောင်းကျန်းသူပူးပေါင်းအဖွဲများက Drop Bomb ဗုံးချတိုက်ခိုက်ခဲ့ပြီးလူ၊ပစ္စည်း ထိခိုက်မှု့မရှိကြောင်း၊ နမ့်ပေါင်ရွာအခြေ စိုက် လုံခြုံရေးစခန်းအား လက်ရှိအခြေထိ ထိန်းထားနိုင်ဆဲဖြစ်ကြောင်း၊ ယမန်နေ့ ညနေ ၆ နာရီမှ ည ၁၂နာရီ ကျော်အထိ လားရှိုးမြို့အခြေစိုက်တပ်ဌာနချုပ်တစ်ခုက လက်နက်ကြီးများ မကြာခဏပစ်ကူပေးခဲ့ကြောင်း သိရပါသည်။
■ နောင်ချို
ဘန့်ဘွေးမှ တက်လာသော ယာဉ်တန်း(၂၂)စီးပါသော တပ်မတော်စစ်ကြောင်းသည် အုမ္မခါးနှင့် စမ္မဆယ်ကျေးရွာအနီးတွင် အကြမ်းဖက်သောင်း ကျန်းသူပူးပေါင်းအဖွဲများ၏ ခုခံမှု့များနှင့်ရင်ဆိုင်နေရပြီး လက်ရှိသတင်းပေးပို့ချိန်အထိ တိုက်ပွဲဖြစ်ပွားနေဆဲဖြစ်ကြောင်း၊ နှစ်ဖက် ထိခိုက်သေဆုံးရှိနိုင်ကြောင်း၊ ဂုတ်တွင်းအနီးတဝိုက်တွင် အခြေအနေမသိရသေးသော်လည်း လက်နက်ကြီးသံများမကြားရတော့ကြောင်း၊ ဂုတ်ထိပ်တံတားနားအနီးတွင် ယမန်နေ့ ညဦးပိုင်းက ထိတွေ့မှု့ဖြစ်ပွားခဲ့ကြောင်း သိရသည်။
■ သိန္နီ
နိုဝင်ဘာ ၁ ရက်နေ့ ညနေ ၆ နာရီမှ နိုဝင် ဘာ ၂ ရက်နေ့ နံနက် ၅ နာရီအချိန်ထိ ပစ်ခတ်သံများကြားနေရကြောင်း သိရသည်။
■ မူစယ်
နိုဝင်ဘာ ၁ ရက်နေ့ ညဦးပိုင်းတွင် မူစယ်မြို့အနီး ထိတွေ့ပစ်ခတ်သံများကြားသိခဲ့ရကြောင်းသိရသည်။
■ ကျောက်မဲ
နိုဝင်ဘာ ၁ ရက်နေ့ ညဦးပိုင်းတွင် ကျောက်မဲမြို့အနီးဝန်းကျင်တွင် ပစ်ခတ်မှု့များဖြစ်ပေါ်ခဲ့ကြောင်း သိရပါသည်။
■ နမ္မတူ
ပစ်ခတ်မှု့မရှိသော်လည်း နိုဝင်ဘာ ၂ ရက်နေ့တွင် ကျောင်းများ မဖွင့်ရန် ပြောဆိုထားကြောင်း ကြားသိရပါသည်။
■ နမ်းခမ်း၊ ကွမ်းလုံ အဆက်သွယ်မရပါ။
■ တန့်ယန်း၊ မိုင်းရယ်၊ ဟိုပန်၊ လောက်ကိုင်၊ ကုန်းကြမ်း၊ မိုးမိတ်၊ မဘိမ်း၊ နမ့်ဆန်၊ မန်တုံ မြို့များကို ဆက်သွယ်မှု့မရသေးပါ။ ၄င်းဒေသများသည် အများအားဖြင့် တိုက်ပွဲသံမကြားရသည့်မြို့များဖြစ်ကြောင်း သတင်းရရှိသည်။
#PAN