အောက်တိုဘာ ၂၁
နေပြည်တော်၊ တပ်ကုန်းမြို့၊မြဝတီရပ်ကွက်၊ နယ်မြေ ၁၁/ ခ နီတွတ်ကားဝပ်ရှော့ဝန်းတွင် ယနေ့ည ၆နာရီ၄၅မိနစ်အချိန်ခန့်က နေအိမ်တလုံး မီးလောင်ကျွမ်းကြောင်း သိရသည်။
ဖြစ်စဥ်မှာ နီတွတ်ကားဝပ်ရှော့ဝန်းရှိ ဦးမြင့်သန်းထွန်း(ခ)မင်းလွင်ထွန်း(ခ)နီတွတ်၊ အသက် ၃၃ နှစ်၊( ဘ) ဦးအေးလွင်၏ အလျား ၂၂ ပေ၊ အနံ
၁၅ ပေရှိ အောက်ထပ် အုတ်ခင်း/ ကာ၊ အပေါ်ထပ် ဝါးထရံကာ၊ သွပ်မိုး၊ ၂ ထပ်နေအိမ်မှာ မီးပျက်ချိန်မီးစက်နှိုးမီးထွန်းရာ နေအိမ်အပေါ်ထပ်၌ ဝါယာရှော့ဖြစ်ပွားရာမှတစ်ဆင့် နေအိမ်ပေါ်ထပ် မီးလောင်မှုဖြစ်ပွားခဲ့ရာ မြို့နယ်မီးသတ်ဦးစီးဌာနမှ မီးသတ်ယာဉ် ၃ စီး နှင့်မီးသတ်တပ်ဖွဲ့ဝင်များ၊ ပြည်သူများပူးပေါင်း၍ ဝိုင်းဝန်းမီးငြိမ်းသတ်ခဲ့ရာ ည ၇နာရီကျော်အချိန်ခန့်တွင် မီးငြိမ်းသွားခဲ့ကြောင်း သိရသည်။
အဆိုပါမီးလောင်မှုကြောင့် ဦးမြင့်သန်းထွန်း(ခ)မင်းလွင်ထွန်း(ခ)နီတွတ်နေအိမ်၏ အပေါ်ထပ် တွင်ကာရံထားသောဝါးထရံနှင့် အိပ်ယာမီးလောင် ဆုံးရှူံးခဲ့ပြီး ကာလတန်ဘိုး ၆ သောင်းကျပ်ခန့် ဆုံးရှူံး
သွားကြောင်း၊ မီးလောင်မှုကြောင့် လူနှင့် တိရစ္ဆာန်များထိခိုက်ပျက်စီးမှု မရှိကြောင်းနှင့် အမှုဖွင့်အရေးယူနိုင်ရေး စစ်ဆေးဆောင်ရွက်လျက်ရှိကြောင်း သတင်းရရှိသည်။
#PAN
Telegram link
https://t.me/positiveanglenews
