အောက်တိုဘာ ၂၁
မန္တလေးတိုင်းဒေသကြီး၊ ညောင်ဦးမြို့၊အမှတ်(၁)ရပ်ကွက်၊သီရိမင်္ဂလာရပ်တွင် ယနေ့နံနက် ၁၁ နာရီခွဲအချိန်ခန့်တွင် မီးလောင်မှုဖြစ်ပွားကြောင်း သတင်းအရ မီးသတ်တပ်ဖွဲ့ဝင်များ၊ရပ်ကွက်နေပြည်သူများ ဝိုင်းဝန်းငြိမ်းသတ်ခဲ့ရာ မွန်းလွဲ ၁၂ နာရီ ၁၀ မိနစ်အချိန်တွင် မီးညွန့်ကျိုးခဲ့ပြီး ၁၂ နာရီ ၂၀ မိနစ်အချိန်တွင် မီးငြိမ်းသွားခဲ့သည်။
မီးလောင်မှုမှာ အမှတ်(၁)ရပ်ကွက်၊သီရိမင်္ဂ လာရပ်နေ ဦးမောင်ဆွေ(ခ)ဦးကျော်ဆွေ၊၆၅နှစ်၊(ဘ)ဦးချစ်ထွန်းနေအိမ် မီးဖိုမှ စတင်လောင်ကျွမ်းခဲ့ခြင်းဖြစ်ပြီး မီးလောင်မှုကြောင့် ဦးမောင်ဆွေ၏ ၃×၂ခန်း၊သွပ်မိုး၊ထရံကာ၊၂ထပ် နေအိမ် ၁လုံး၊ဒေါ်မြမြလေး၊၅၉နှစ်၊(ဘ)ဦးဖက်၏ ၄×၂ခန်း၊သွပ်မိုး၊ထရံကာ၊၂ထပ်နေအိမ် ၁လုံး၊ဒေါ်ဝင်းဝင်းခိုင်၊၅၆နှစ်၊(ဘ)ဦးချစ်ထွန်း၏ ၄×၂ခန်း၊သွပ်မိုး၊ထရံကာ၊၂ထပ်နေအိမ်၊၁လုံးတို့ မီးလောင်ဆုံးရှုံးခဲ့ကြောင်းနှင့် စုစုပေါင်းဆုံးရှုံမှုတန်ဘိုးမှာ ကျပ်သိန်း ၃၀ခန့် ဖြစ်ကြောင်း သတင်းရရှိပါသည်။
#PAN