အောက်တိုဘာ ၁၈
ကရင်ပြည်နယ်၊ ကော့ကရိတ်မြို့နယ်၊ တတန်ကူးကျေးရွာအုပ်စု၊ နန်းကော်တိုးကျေးရွာ တံတားအနီးတွင် ယနေ့ နံနက် ၁၁ နာရီ ၄၅ မိနစ်အချိန်ခန့်က အမျိုး သားအလောင်းတစ်လောင်းတွေ့ရှိကြောင်း တတန်ကူးကျေးရွာအုပ်စု၊ အုပ်ချုပ်ရေးမှူးမှ သတင်းပေးပို့လာမှုကြောင့် မြို့နယ်လုံခြုံရေးတာဝန်ရှိသူများက သွား ရောက်စစ်ဆေးရာ ကော့ကရိတ်မြို့နယ်အထွေ ထွေအုပ်ချုပ်ရေးဦးစီးဌာန၊ ထီဟူးသံကျေးရွာအုပ်စု၊ အငယ်တန်းစာရေး(ရပ်/ကျေး)အဖြစ် တာဝန်ထမ်းဆောင်လျက်ရှိသော ဦးညီညီနိုင် (ထ/၁၁၁၂၉၈)၊ ၄၆ နှစ်၊ (ဘ) ဦးစံမြိုင်ဖြစ်ကြောင်း သိရှိရသည်။
ဖြစ်စဥ်မှာ သေဆုံးသူ ဦးညီညီနိုင် သည် ယနေ့ နံနက် ၈ နာရီအချိန်ခန့်တွင် ကော့ကရိတ်မြို့နယ်၊ တံတန်ကူးကျေးရွာအုပ်စု၊ နန်းကော်တိုးကျေးရွာ ၎င်း၏ မိသားစုပိုင် ရာဘာခြံသို့သွားရောက်စဉ် ခြံအတွင်း၌ လက်နက်ကိုင်အကြမ်းဖက်အဖွဲ့ဝင်များမှ ဖမ်းဆီးပစ်ခတ်သတ်ဖြတ်ခဲ့ပြီး နန်းကော်တိုး တတန်ကူးလမ်းတံတားအနီး ရေမြောင်းတွင် အလောင်းအား ထားရှိခဲ့ခြင်းဖြစ်ကြောင်း သိရှိရသည်။
သေဆုံးသူ ဦးညီညီနိုင် တွင် နဖူး ကျည်ဖောက်ဝင်ပြီး ဦးခေါင်းနောက်ဖောက်ထွက်ဒဏ် ရာ ၁ ချက်၊ ဝဲနံရိုးဘေး ညိုမဲဒဏ်ရာ ၁ ချက်ဖြင့် သေဆုံးခဲ့ကြောင်း၊ ကတန်ကူးကျေးရွာအုပ်စုဒေသသည် အကြမ်းဖက် KKO(ခွဲထွက်)၊ PDF အဖွဲ့များ လှုပ်ရှားသွားလာနေသည့် နေရာများဖြစ်ကြောင်း သိရပါသည်။
#PAN