အောက်တိုဘာ ၁၇
မွန်ပြည်နယ်၊ မော်လမြိုင်မြို့၊ မြန်မာနိုင်ငံရဲတပ်ဖွဲ၊ မြိုနယ်နှင့် နယ်မြေရဲစခန်းတို့မှ တာဝန်ရှိသူများ၊ သက်သေအဖြစ်ရာအိမ်မှူးများပါဝင်သောအဖွဲ့သည် သွေးသောက်ရပ်ကွက်၊ ဗုဒ္ဓဝင်လမ်းမနှင့် ဒေါနလမ်းဆုံတွင် ပိတ်ဆို့စစ်ဆေးရှာဖွေခြင်းများပြုလုပ်စဥ် ယမန်နေ့ မွန်းလွဲပိုင်းက လူငယ် နှစ်ဦးကို လက်နက်၊ခဲယမ်း၊ မူးယစ်ဆေးဝါးများနှင့်အတူ ဖမ်းဆီးရမိကြောင်း သိရပါသည်။
ဖြစ်စဥ်မှာ ပိတ်ဆို့စစ်ဆေးရေးအဖွဲ့ အဆိုပါနေရာတွင် စစ်ဆေးနေစဥ် မွန်းလွဲ ၃ နာရီခွဲအချိန်ခန့်တွင် ဗုဒ္ဓဝင်လမ်းမကြီးအတိုင်း တောင်မှမြောက်သို့ မောင်းနှင်လာသည့် နံပါတ်မပါ Honda 125 Wave I အမျိုးအစား၊ အဖြူရောင်ဆိုင်ကယ်အား ရပ်တန့်စစ်ဆေးရှာဖွေရာ ဆိုင်ကယ်မောင်းနှင်လာသူမှာ မင်းပြည့်ဖြိုးဟန်(ခ)ပြည့်ဖြိုးဟန် (ခ)သားကြီးနှင့် နောက်ထိုင် လိုက်ပါလာသူမှာ လွင်မိုး ဆိုသူတို့ဖြစ်ကြောင်းသိရှိရသည်။
၎င်းတို့၏ခန္ဓာကိုယ်များနှင့် ဆိုင် ကယ်အား ရှာဖွေစစ်ဆေးရာ မင်းပြည့်ဖြိုးဟန်(ခ)ပြည့်ဖြိုးဟန်(ခ)သားကြီး ဝတ်ဆင်ထားသည့် DESIONER စာတမ်းပါ အပြာရောင်ဂျင်းဘောင်း ဘီ၏ ယာဘက်အိတ်ကပ်အတွင်းမှ SIG SAUER အမျိုးအစား အီတလီနိုင်ငံထုတ် 66A704605 နံပါတ်ပါ ၉ မမပစ္စတို ၁ လက်၊ ၎င်းကျည်အိမ် ၁ ခု၊ ၉မမကျည် ၁ တောင့်၊ ၎င်းလွယ်ထားသည့် JINPAIDI စာတမ်းပါအစိမ်းရောင်ဘေးလွယ် အိတ်အတွင်းမှ ၉ မမကျည်အိမ် ၁ ခု၊ ၉မမကျည် ၅ တောင့်၊ ပွိုင့် ၃၈ ကျည် ၆ တောင့်၊ အဖြူရောင်ပလပ်စတစ်ကပ်ခွါအိတ်အတွင်း ထည့်ထားသည့်ဆေးခြောက် ဟုယူဆရသော အရိုး/အရွက်ရော ရာ ၀.၅ ဂရမ်ခန့်ကာလတန်ဖိုး ၂၀ဝိ/-ခန့်၊ အဖြူရောင် ပလပ်စတစ်ကပ်ခွါအိတ်အတွင်းထည့်ထားသည့် K အမှုန့် ၀.၅ ဂရမ်ခန့်၊ ကာလတန်ဘိုး ၂၀၀၀ဝိ/-ခန့်၊ ပြည့်ဖြိုးဟန်အမည်ပါ နိုင်ငံသားစိစစ်ရေးကဒ်ပြား မူရင်း ၁ ခု၊ ပြည့်ဖြိုးဟန် အမည်ပါ (ခ)အဆင့် ယာဉ်မောင်းလိုင်စင် ၁ ခု၊ လွင်မိုးဝတ်ဆင်ထားသည့် ဘောင်းဘီအိတ် ကပ်အတွင်း မှ လွင်မိုးအမည်ပါ နိုင်ငံသားစိစစ်ရေးကဒ်ပြား မူရင်း ၁ ခု၊ လွင်မိုးအမည်ပါ (ခ)အဆင့် ယာဉ်မောင်း လိုင်စင် ၁ ခု၊ ဆိုင်ကယ်နောက် တူးဘောက်အတွင်းမှ မူးယစ်ဆေး ဝါးသုံးစွဲရာတွင် အသုံးပြုသည့် ဖန်ပြွန်ဗူး ၁ ခု၊ ဆေးခြောက်ချေရာတွင် အသုံးပြုသည့် လက်လှည့် သတ္ထုဗူး ၁ ဗူးတို့အား ရှာဖွေတွေ့ရှိခဲ့သည်။
ဆေးခြောက်နှင့် K မူးယစ်ဆေးဝါးအမှုန့်များကို သုံးစွဲရန်အလို့ငှါ လက်ဝယ်ထားရှိပြီး လက်နက်နှင့် ဆက်စပ်ပစ္စည်းများ ကိုင်တွယ်အသုံးပြုခဲ့သော မင်းပြည့်ဖြိုးဟန်(ခ)ပြည့်ဖြိုးဟန်(ခ)သားကြီး၊ ၂၄ နှစ်၊ (ဘ)ဦးဇော်မင်းဦး၊၁၀/ပမန(နိုင်)၂၁၉ ၅၉၃၊ မွန်/ဗုဒ္ဓ၊ ကျဘမ်း၊ခရုံကျေး ရွာ၊ ကျိုက်မရောမြို့နယ်နေသူနှင့် လွင်မိုး၊ ၂၆ နှစ်၊ (ဘ) ဦးညီညီလွင်၊ ၃/ဘသဆ(နိုင်) ၀၀၅၃၄၀၊ ဗမာ/ဗုဒ္ဓ၊ ကျဘမ်း၊ အောင်ဇဗ္ဗူလမ်း၊ လမ်းသွယ်(၁)၊ ဈေးကြိုရပ်ကွက်၊ မော်လမြိုင်မြို့နေသူတို့ ၂ ဦးကို ဥပဒေအရ အမှုဖွင့်အရေးယူဆောင်ရွက်လျှက်ရှိကြောင်း သတင်းရရှိပါသည်။
#PAN