အောက်တိုဘာ၉
ယနေ့ မွန်းလွဲ၃နာရီ ၅၅မိနစ်အချိန်ခန့်က နေပြည်တော်၊ဇေယျာသီရိမြိုနယ် ရန်ကုန်-မန္တလေး လမ်းဟောင်း၊ မိုင်တိုင်အမှတ် ၂၂၈/၇ နှင့် ၂၂၉ ကြား ရေဆင်းဈေးဝင်ပေါက်တွင် မော်တော်ယာဥ်နှင့် ဆိုင်ကယ် ယာဥ်တိုက်မှု ဖြစ်ပွားခဲ့ကြောင်းသိရသည်။
ဖြစ်စဥ်မှာ သိုက်ချောင်းဘက်မှ ပင်လောင်းလမ်းဆုံဘက်သို့ ယာဉ်မောင်း ဦးတိုးတိုးဝင်း၊ ၅၆ နှစ်၊ (ဘ) ဦးဝင်းမောင်၊ ကန်သာအေးကျေးရွာ၊ ရေဆင်းအုပ်စု၊ ဇေယျာသီရိမြို့နယ်နေသူ မောင်းနှင်လာသော Honda Fit ငွေမှင်ရောင်မော်တော်ယာဉ်သည် ရေဆင်းဈေးဘက်သို့ ချိုးကွေ့စဉ် လာရာတူအတိုင်း နောက်မှ သိန်းထွန်း(ခ) လွေဖုန်း၊၂၀ နှစ်၊ (ဘ) ဦးရန်ကြင်း၊ စက်ကုန်းရွာ၊ ခေတ်အေးအုပ်စု၊ ဇေယျာသီရီမြို့နယ်နေသူမောင်းနှင်လာသည့် SHN/41982 Yamaha YZFR 6 ဆိုင်ကယ်နှင့် လမ်းအလယ်တွင် တိုက်မိခဲ့ကြောင်း သိရသည်။
အဆိုပါ ယာဥ်တိုက်မှု့ကြောင့် ဆိုင်ကယ်မောင်းနှင်သူ သိန်းထွန်း(ခ) လွေဖုန်း တွင် ယာပေါင်/ယာလက် လှုပ်မရဒဏ်ရာများရရှိခဲ့သဖြင့် ဂရုဏာရှင်လှုမှုကူညီရေးယာဉ်ဖြင့် နေပြည်တော်၊ ခုတင်(၁၀၀၀)ဆေးရုံကြီးသို့ ပို့ဆောင်ထားရှိပြီး ယာဥ်တိုက်မှုဖြစ်စဥ်အား စစ်ဆေးဆောင်ရွက်လျက်ရှိကြောင်း သတင်းရရှိသည်။
#PAN
