အောက်တိုဘာ ၈
ယူအေအီးနိုင်ငံ၊ အဘူဒါဘီမြို့၌ ကျင်းပမည့် အဘူဒါဘီမာစတာ ကြက်တောင်ရိုက်ပြိုင်ပွဲတွင် မြန်မာကြက်တောင်မောင်မယ် သက်ထားသူဇာ အနေနဲ့ ပထမအဆင့်မှ စတင်ယှဉ်ပြိုင်ကစားရမည်လို့ သိရပါတယ်။
ပြီးခဲ့သည့် စက်တင်ဘာလအတွင် ထိုင်းနိုင်ငံမှာကျင်းပတဲ့ ထိုင်းအင်တာနေရှင်နယ်စီးရီး ကြက်တောင်ရိုက် ပြိုင်ပွဲတွင် ဝင်ရောက်ယှဉ်ပြိုင်ခဲ့ပြီးနောက် နိုင်ငံ တကာပွဲစဉ်များ ယှဉ်ပြိုင်မှုကိုနားထားပြီး တစ်လအကြာမှာ အဘူဒါဘီမာစတာကြက်တောင်ရိုက်ပြိုင်ပွဲကို ဝင်ရောက်ယှဉ်ပြိုင်မှာ ဖြစ်ပါတယ်။
သက်ထားသူဇာ အနေနဲ့ ပထမအဆင့်မှာ အနိုင်ရရှိပါက ဒုတိယအဆင့်တွင် ဗာကိုဘာ နဲ့ ကင်ဆာချာမစ် တို့ပွဲစဉ်မှ အနိုင်ရရှိတဲ့ ကြက် တောင်မယ်နဲ့ ယှဉ်ပြိုင်ရမှာဖြစ်ပါတယ်။
ကမ္ဘာ့ကြက်တောင်အဖွဲ့ချုပ်ရဲ့ နောက်ဆုံးထုတ်ပြန်ချက် ကမ္ဘာ့အဆင့်သတ်မှတ်ချက်အရ မြန်မာ့ ကြက်တောင်မယ် သက်ထားသူဇာ ဟာ ကမ္ဘာ့အဆင့် ၄၅ နေရာမှာရပ်တည်နေပြီး အိုလံပစ်ပြိုင်ပွဲ ဝင်ရောက်ခွင့် ရရှိရန် အာရှနှင့် ဥရောပပြိုင်ပွဲများတွင်ပါ ဝင်ရောက်ယှဉ်ပြိုင်လျက်ရှိပါတယ်။
သက်ထားသူဇာ ဟာ ယခုနှစ်အတွင်း ဗီယက်နမ်အိုးပင်းကြက်တောင်ရိုက်ပြိုင်ပွဲနဲ့ မောရစ်သျှအင်တာ နေရှင်နယ်စီးရီးကြက်တောင်ရိုက်ပြိုင်ပွဲတို့မှာ ပူးတွဲတတိယဆုများ ရရှိထားခဲ့ပါတယ်။
#PAN