စက်တင်ဘာ ၂၀
ယနေ့ မွန်းလွဲ ၁၂ နာရီ ၃၀ မိနစ် အချိန်ခန့်တွင် တောင်သာမြို့နယ်၊ရုံးစည်လေးကျေးရွာ၊ဉီးရွှေဇရပ် အနောက်ဘက်၊ယာခင်းအစပ်တွင် အမျိုးသမီးတစ်ဉီး၏အလောင်းတွေ့ရှိကြောင်းသတင်းအရ သက်ဆိုင်ရာ လုံခြုံရေးတာဝန်ရှိသူများမှ အခင်းဖြစ်နေရာသို့သွားရောက်စစ်ဆေးခဲ့ရာ ဉီးရွှေဇရပ် အနောက်ဘက် ကိုက် ၁၀၀ခန့်အကွာ ပြောင်းခင်းထဲတွင် ဒေါ်ကုလားမ(ကိုယ်ရေးစီစစ်ဆဲ)မှာ နောက်ကျော ဖောက်ဝင်ဒဏ်ရာ ၁ချက်၊ယာ-နားရွက်အောက် ဖောက်ဝင်ဒဏ်ရာ ၁ချက်တို့ဖြင့် မှောက်လျက်သေဆုံးနေသည်ကို စစ်ဆေးတွေ့ရှိခဲ့ကြောင်းသိရသည်။
ဖြစ်စဉ်အား စုံစမ်းမေးမြန်းရာ ရန်ကုန်မြို့တွင် အလုပ်လုပ်ကိုင်ရန် သွားရောက်နေထိုင်သော သေဆုံးသူ ဒေါ်ကုလားမ၏သမီးဖြစ်သူ မယဉ်ယဉ်ထံသို့ အောင်ရဲလင်း(အကြမ်းဖက် PDF အဖွဲ့)မှ ဒေါ်ကုလားမအား မသတ်ဖြတ်မီ ၄င်း၏ဖုန်းဖြင့် မိခင်ဖြစ်သူအား ပြည်ခိုင်ဖြိုးပါတီ ထောက်ခံသူအဖြစ် သတ်မှတ်ပြီး သတ်ဖြတ်ခဲ့ခြင်းဖြစ်သည်ဟု ဖုန်းဆက်ပြောကြားကာ ဒေါ်ကုလားမ၏ဖုန်းအား ယူဆောင်သွားကြောင်း မယဉ်ယဉ်၏ ပြောကြားခဲ့ကြောင်း သတင်းရရှိပါသည်။
