စက်တင်ဘာ ၁၇
အဲဗာတန်အသင်းသည် အမေရိကန်ရင်းနှီး မြှုပ်နှံမှုအဖွဲ့ 777 Partners လက်ထဲကို ရောက် ရှိတော့မှာ ဖြစ်သည်။ လက်ရှိ အဲဗာတန်အသင်းပိုင်ရှင် ဖာရက်ဒ်မိုရှီရီက ရှယ်ယာ ၉၄ ရာခိုင်နှုန်းရောင်းချသွားမည်ဟု အတည်ပြုထားခဲ့ခြင်းကြောင့် အဲဗာတန်အသင်းသည် 777 Partners လက်ထဲရောက်ခဲ့ပါက ပရီးမီးယားလိဂ်မှာ အမေရိကန်နိုင်ငံသားပိုင် ဆယ်သင်းမြောက်အသင်းဖြစ်လာမှာ ဖြစ်ပါသည်။
ဗြိတိန်-အီရန်ကပြား ဖာရက်ဒ်မိုရှီရီ က၂၀၁၆ ခုနှစ်မှာ အဲဗာတန်အသင်းကို စတင်ပိုင်ဆိုင်ခဲ့ပြီး ၎င်းလက် ထက်မှာ အဲဗာတန်အသင်းတွင် ကစား သမား ခေါ်ယူမှုအသုံးစရိတ်များပြားခဲ့ပြီးဝင်ငွေ၊ထွက်ငွေမမျှတဘဲ ဘဏ္ဍာရေးအကျပ်အတည်းရှိနေခဲ့သည်။
ပြီးခဲ့သော ငါးနှစ်စလုံး အဲဗာတန်အသင်းသည် အရှုံးပေါ်ခဲ့ပြီး အရှုံးငွေပေါင်သန်း ၄၃၀ ရှိနေပါသည်။ အဲဗာတန်အသင်းမှာ ပရီးမီးယားလိဂ်ဘဏ္ဍာရေးစည်း မျဉ်းနှင့် စောင့်ကြည့်ခံနေရဆဲဖြစ်ပြီး အရောင်းအဝယ် ကိစ္စမှာ ၂၀၂၃ ခုနှစ်နှောင်းပိုင်းမှသာ အပြီးသတ်ဖွယ်ရှိနေပါသည်။ 777 Partners တည်ထောင်သူ ဂျော့ချ်ဝါနာ က အဲဗာတန်အတွက် ပေါင်သန်း ၇၆၀ တန်ကွင်းသစ်စီမံကိန်း အကောင်အထည်ဖော်ပေးမယ်လို့ ကတိပေးထားပါသည်။
#PAN