စက်တင်ဘာ ၁၆
ရန်ကုန်တိုင်းဒေသကြီးအတွင်း ပြေးဆွဲနေသော တက္ကစီများကို သတ်မှတ်ထားသည့် အဖြူရောင် Taxi Board တစ်ပြေးညီ တပ်ဆင်ရန် ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ(YRTC)က ထုတ်ပြန်ထားသည်။
တက္ကစီများ အဖြူရောင်ဆိုင်းဘုတ်မီးအိမ် (Taxi Board) တစ်ပြေးညီတပ်ဆင်ရန် အသိ ပညာပေးကာလအဖြစ် ရက်ပေါင်း ၉၀ ဆောင် ရွက်သွားမှာဖြစ်ပြီး ဒီဇင်ဘာလ ၉ ရက်နေ့မှ စတင်ကာ လိုက်နာမှုမရှိသည့် တက္ကစီများကို အရေးယူမှာ ဖြစ်ကြောင်း သိရပါသည်။
မြို့တော်အင်္ဂါရပ်နှင့် ညီညွတ်မှုရှိစေရေးအတွက် ရည်ရွယ်ဆောင်ရွက်ခြင်းဖြစ်ကြောင်း YRTC က ပြောထားပါသည်။ သတ်မှတ်ထားသည့် Taxi Board (ဆိုင်းဘုတ်)၏ အရွယ်အစားများမှာ အောက်ခြေအလျား ၁၀ လက်မ၊ အပေါ်အလျား ၉ လက်မ၊ အောက်ခြေအကျယ် ၅ လက် မ၊ အပေါ်အကျယ် ၂ လက်မနှင့် အမြင့် ၃ လက်မ ဖြစ်ပြီး အဆိုပါ Taxi Board ကို ခေါင်မိုးပေါ်မှန်ထိပ်မှ ၁ ပေအကွာ ဘယ်၊ ညာ ညီညာစွာ တပ်ဆင်ထားရှိရမှာ ဖြစ်ပါသည်။
ယခု စက်တင်ဘာလမှ စတင်ပြီး ဒီဇင်ဘာ လ ၈ ရက်နေ့အထိ အသိပညာပေးကာလအဖြစ် သတ်မှတ်ထားကာ ပညာပေးကာလ ရက်ပေါင်း ၉၀ ပြီးဆုံးသည့် ဒီဇင်ဘာလ ၉ ရက်မှ စတင်ပြီးတော့ ယာဉ်အန္တရာယ်ကင်းရှင်းရေးနှင့် မော်တော် ယာဉ် စီမံခန့်ခွဲမှု ဥပဒေ ပုဒ်မ ၉၆ အရ အရေးယူမည်ဖြစ်ကြောင်း ထုတ်ပြန်ထားသည်။
#PAN