စက်တင်ဘာ ၁၃
ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်၊ ကျွန်းသာယာကျေးရွာအုပ်စု၊ ကျွန်းသာယာရွာတွင် စက်တင်ဘာလ ၁၂ ရက်နေ့ နံနက် ၈ နာရီအချိန်ခန့်တွင် (ဘ) ဦးကျော်၏သားဖြစ်သူ ဦးအုန်းမြင့် ၅၅ နှစ်ဆိုသူက တစ်ရွာတည်းနေ သမီးဖြစ်သူ မ-------- ၆ နှစ် အား အဓမ္မပြုကျင့်ခဲ့ကြောင်းသိရှိရသည်။
အဆိုပါဖြစ်စဉ်တွင် တရားခံ ဦးအုန်းမြင့်သည် ကျွန်းသာယာကျေးရွာရှိ ဦးမျိုးနိုင်၏လယ်တွင် စာရင်းငှားလုပ်ကိုင်နေသူတစ်ဦးဖြစ်ပြီး၊ အိမ်ရှိလူကြီးများလယ်တောသို့ သွားရောက် အလုပ် လုပ်ကိုင်နေချိန် မ-------သည် တစ်ဦးတည်းရှိနေစဉ် အိမ်ပေါ်တက်၍ အဓမ္မပြုကျင့်ခဲ့ကြောင်းသိရှိရသည်။အိမ်နီးခြင်းတစ်ဦးမှ ကလေးမလေးငိုသံကြား၍ သွားရောက်မေးမြန်းခဲ့ရာ ကလေးငယ်မှ ဦးအုန်းမြင့်က သမီးကို မဟုတ်တာလုပ်သည်ဟု ပြောဆိုသဖြင့်၊ သက်ဆိုင်ရာကျေးရွာ အုပ်ချုပ်ရေးမှူး၊ ဖခင်ဖြစ်သူနှင့် အကိုတို့ထံဖုန်းဆက်တိုင်ကြားခဲ့ပြီး ၎င်းတို့ ရောက်ရှိလာချိန်တွင် ကလေးငယ်ကို သေချာမေးမြန်းကာ တရားခံကိုလိုက်လံဖမ်းဆီးပြီး ကြိမ်ချောင်းကျေးရွာ ရဲစခန်းသို့အပ်နှံခဲ့ကြောင်း၊ ကလေးငယ်အား ကြိမ်ချောင်းဆေးရုံတွင် ဆေးစစ်မှုများပြုလုပ်ခဲ့ပြီး ပြစ်မှုထင်ရှားသဖြင့် ယနေ့တွင် ဘိုကလေးမြို့မရဲစခန်းသို့ အရေးယူဆောင်ရွက်မှုများ ပြုလုပ်ရန် တရားခံအားပို့ဆောင်ခဲ့ကြောင်း သိရသည်။
#PAN