စက်တင်ဘာ ၆
ကမ္ဘောဒီးယားနိုင်ငံတွင် စီးပွားရေးလုပ်ငန်းရှင်တစ်ဦးအဖြစ်လည်းကောင်း၊ ပရဟိတလုပ်ငန်း
များဖြင့် ရက်ရောတတ်သူတစ်ဦးအဖြစ်လည်း ကောင်း လုပ်ကိုင်လျက်ရှိသည့် She Zhijiang သည် အရှေ့တောင်အာရှတစ်ခွင်ရှိ တရားမဝင်လောင်းကစားများနှင့် အွန်လိုင်းလိမ်လည်မှု ကွန်ယက်နောက်ကွယ်မှ ကာစီနိုခေါင်းဆောင် တစ်ဦးဖြစ်ပါသည်။
She Zhijiang သည် မလေးရှားနိုင်ငံနှင့် မြန်မာနိုင်ငံတို့မှ ရင်းနှီးမြှုပ်နှံသူများနှင့်အတူ
စင်ကာပူနိုင်ငံအခြေစိုက် လုပ်ငန်းတစ်ခုမှ blockchain နည်းပညာဖြင့် တီထွင်ထားသော crypto currency အားအသုံးပြု၍ ဖိလစ်ပိုင်နိုင်ငံနှင့် ကမ္ဘောဒီးယားနိုင်ငံတို့တွင် ကာစီနိုများဖွင့်လှစ်ခဲ့ပြီးနောက်ပိုင်း အွန်လိုင်းလောင်းကစားများ ပိတ်ပင်ခြင်းခံခဲ့ရပါသည်။
She Zhijiang သည် အသက် ၄၁ နှစ်အရွယ်ရှိပြီး တရုတ်နိုင်ငံ၊ Hunan ပြည်နယ်တွင်
အချိန်ပိုင်းစီးပွားရေးသမားအဖြစ်စတင်ချိန်မှစ၍ ၎င်း၏ ဘီလီယံပေါင်းစွာသော ငွေကြေးများအား
ငွေမဲခဝါချနိုင်ရန်အတွက် ဗြိတိန်နိုင်ငံအပါအဝင် ကမ္ဘာတစ်ဝှမ်းရှိကုမ္ပဏီများနှင့် ချိတ်ဆက်ဆောင်ရွက်ခဲ့ပါသည်။ တရုတ်နိုင်ငံအခြေစိုက် သတင်းဝက်ဘ်ဆိုက် Caixin ၏ အဆိုအရ She Zhijiang သည် အခြားနာမည်များဖြစ်သည့် She Kailun နှင့် Tang Kailun တို့ဖြင့် လူသိများပြီး မြန်မာနိုင်ငံနှင့်ကမ္ဘောဒီးယားနိုင်ငံတို့တွင် လိမ်လည်လုပ်ကိုင်မှုများ၊ လူကုန်ကူးမှုများနှင့် ဆက်စပ်နေကြောင်း သိရှိရပါသည်။
She Zhijiang ၏ လုပ်ငန်းတစ်ခုဖြစ်သည့် Yatai International Holdings သည် အလုပ်
လက်မဲ့ဖြစ်မှုနှင့် အလုပ်လက်မဲ့မြင့်တက်မှုများ ဖြစ်ပွားနေသည့် ကိုရိုနာဗိုင်းရပ်စ် Covid-19
ကပ်ရောဂါကာလအတွင်း လစာကောင်းသည့် အလုပ်အကိုင်များရရှိစေမည့် ကတိကဝတ်များဖြင့် Facebook တွင် စုဆောင်းရေးကြော်ငြာများ ဖြန့်ဝေခဲ့ပါသည်။
အာရှနှင့် အာဖရိကတို့မှ ရာနှင့်ချီသော လူငယ်များသည် အဆိုပါထောင်ချောက်အတွင်း ကျ ရောက်ခဲ့ပြီး မြန်မာနိုင်ငံရှိ ရွှေကုက္ကိုလ်အထူးစီးပွားရေးဇုန်ရှိ အွန်လိုင်းလောင်းကစားရုံများနှင့်
လိမ်လည်မှုလုပ်ငန်းများတွင် အလုပ်ခိုင်းစေခြင်းခံခဲ့ရပါသည်။ She Zhijiang သည် ရွှေကုက္ကိုလ်
အထူးစီးပွားရေးဇုန်၏ အဓိကကျောထောက် နောက်ခံအဖြစ် ဘီလီယံနှင့်ချီ ရင်းနှီးမြှုပ်နှံခဲ့ကြောင်း အမေရိကန်ပြည်ထောင်စု ငြိမ်းချမ်းရေး အင်စတီကျုက ပြောကြားခဲ့ပါသည်။
ပြီးခဲ့သည့် ဩဂုတ်လ ၂၉ ရက်တွင် ထုတ် ပြန်ကြေညာခဲ့သော ကုလသမဂ္ဂလူ့အခွင့်အရေး
ဆိုင်ရာ မဟာမင်းကြီးရုံး၏ အစီရင်ခံစာတွင် အဆိုပါတရားမဝင်လုပ်ငန်းများတွင် စင်ကာပူနိုင်ငံသားများ ပါဝင်နေကြောင်း ဖော်ပြထားပါသည်။
တရုတ်နိုင်ငံ၌ မွေးဖွားခဲ့သည့် She Zhijiang သည် တရုတ်နိုင်ငံသားတွေအား ပစ်မှတ်ထားပြီး ဖိလစ်ပိုင်နိုင်ငံတွင် အွန်လိုင်းလောင်းကစားလုပ် ငန်းကို စတင်လုပ်ကိုင်ခဲ့ပါသည်။ တရုတ်အစိုးရ သည် တရားမဝင်သော အွန်လိုင်းလောင်းကစားအား နှိမ်နင်းခဲ့သဖြင့် She Zhijiang သည်
ထွက်ပြေးတိမ်းရှောင်ခဲ့ရပါသည်။
၂၀၂၀ ခုနှစ်မှစ၍ နယ်စပ်ဖြတ်ကျော်လောင်းကစားမှုပေါင်း ၂၄,၀၀၀ နှင့် ဆက်စပ်နေသော လူပေါင်း ၁၃၀,၀၀၀ ကျော်ကို တရုတ်နိုင်ငံတွင် ရဲများက ဖမ်းဆီးနိုင်ခဲ့ပါသည်။ She Zhijiang သည် အွန်လိုင်းလောင်းကစားရောင်း ဝယ်ရေးတွင် အများအပြားဆောင်ရွက်ခဲ့သဖြင့် ကမ္ဘောဒီးယားနိုင်ငံသို့ ပြောင်းရွှေ့ခဲ့ပြီး ၂၀၁၇ ခုနှစ်တွင် နိုင်ငံသားဖြစ်ခွင့် ရရှိခဲ့ပါသည်။
အဆိုပါ အွန်လိုင်းလောင်းကစားရောင်းဝယ်မှုတွင် She Zhijiang ၏ အပေါင်းအပါများအနက်
အများစုသည် တရုတ်နိုင်ငံသားများဖြစ်ကြပါ သည်။ စင်ကာပူနိုင်ငံတွင် ငွေမဲခဝါချမှုတိုက်ဖျက်ရေးဖြင့် ဖမ်းဆီးခံထားရသည့် သံသယရှိသူ ၁၀ ဦးအနက် ၉ ဦးသည် ကမ္ဘောဒီးယားနိုင်ငံသားဖြစ်ကြောင်း အသိအမှတ်ပြုထားကြောင်း Straits Times သတင်းစာက ဖော်ပြထားပါသည်။
အဆိုပါ ၉ ဦးသည် ကမ္ဘောဒီးယားအစိုးရမှ ထုတ်ပြန်သည့် နိုင်ငံသားအသစ်များ၏အထောက်
အထား စာရင်းများအရ ၂၀၁၈ ခုနှစ်၊ ဩဂုတ်လမှ ၂၀၂၁ ခုနှစ်၊ မတ်လအထိ ကမ္ဘောဒီးယားနိုင်ငံ သားဖြစ်ခွင့် ရရှိထားသူများဖြစ်ပါသည်။ သံသယရှိသူ ၁၀ ဦးအနက် ၅ ဦးမှာ Su Haijin အသက် ၄၀ နှစ်၊ Su Baolin အသက် ၄၁ နှစ်၊ Su Wenqiang အသက် ၃၁ နှစ်၊ Wang Dehai အသက် ၃၄ နှစ်၊ Chen Qingyuan အသက် ၃၃
နှစ်တို့ဖြစ်ပြီး ကမ္ဘောဒီးယားနိုင်ငံကူးလက်မှတ် ကိုင်ဆောင်ထားသူများဖြစ်ကြောင်း စင်ကာပူ
ရဲတပ်ဖွဲ့က ပြောကြားခဲ့ပါသည်။
တရုတ်နိုင်ငံသည် ၂၀၂၁ ခုနှစ်တွင် She Zhijiang အား ဖမ်းဆီးရန် နိုင်ငံတကာရဲတပ်ဖွဲ့၏
အနီရောင်သတိပေးချက်အား ထုတ်ပြန်ခဲ့ပြီး ၂၀၂၂ ခုနှစ်၊ သြဂုတ်လတွင် ထိုင်းနိုင်ငံ၌ ဖမ်းဆီး
ရရှိခဲ့ပါသည်။ She Zhijiang သည် တရုတ်နိုင်ငံ သား မဟုတ်တော့ကြောင်း ငြင်းခုံသော်လည်း
နိုင်ငံသားဖြစ်ခွင့် အကြောင်းပြချက်ဖြင့် တရုတ်နိုင်ငံသို့ ပြည်နှင်ဒဏ် ပေးခံခဲ့ရပါသည်။
အရှေ့တောင်အာရှရှိ ရဲများသည် She Zhijiang အား ဖမ်းဆီးခံရရှိခဲ့သည့်အချိန်မှစ၍
၎င်း၏ကွန်ယက်နှင့် ဩဇာလွှမ်းမိုးမှုအတိုင်း အတာကို စတင်နားလည်လာခဲ့ကြပါသည်။
Straits Times သတင်းဌာနသည် ၂၀၂၂ ခုနှစ်၊ ဇန်နဝါရီလတွင် လူထုပညာပေး Stop Scams လှုပ်ရှားမှုကို စတင်ခဲ့ပြီး ၂၀၂၂ ခုနှစ်တွင် အလိမ်ခံခဲ့ရသူများအတွက် စုစုပေါင်း အမေရိကန်ဒေါ်လာ ၆၆၀.၇ သန်း ဆုံးရှုံးခဲ့ရကြောင်း အကျယ်တဝင့် ရေးသားဖော်ပြထားပါသည်။
(6 – 9 – 2023 ရက်နေ့ THE STRAITS TIMES ၏ Online gambling kingpin has links throughout South-east Asia ကို ဆီလျော်အောင် ဘာသာပြန်ဆိုထားပါသည်။)
#PAN