သြဂုတ် ၂၇
သြစတြေးလျနိုင်ငံမြောက်ဘက်ပိုင်း ရှိ အပူပိုင်းဒေသ ကျွန်းတစ်ခုမှာ ယနေ့ တနင်္ဂနွေနေ့က Osprey အမျိုးအစား လေယာဉ် ပျက်ကျပြီးနောက် အနည်းဆုံး အမေရိကန် မရိန်းတပ်သား ၃ဦး သေဆုံးခဲ့ရတယ်လို့ အမေရိကန် စစ်ဘက် အရာရှိတွေက ပြောပါတယ်။
” ရဟတ်ယာဥ်ပျက်ကျမှုတွင် အမေရိကန် အမှုထမ်း စုစုပေါင်း ၂၃ ယောက်ပါရှိပါတယ်။ ၃ ယောက် သေဆုံးသွားတယ်လို့ အတည်ပြုခဲ့ပြီး ၅ ယောက်ကို ဆေးရုံကို ပို့ဆောင်ခဲ့ရပြီး၊ ပြင်းထန်တဲ့ အခြေအနေမှာ ရှိနေပါတယ်” လို့ အမေရိကန် မရိန်းတပ်မှ တာဝန်ရှိသူ တစ်ဦးက တရားဝင် ထုတ်ပြန် ကြေညာ ခဲ့ပါတယ်။
Osprey အမျိုးအစား ရဟတ်ယာဥ် ပျက်ကျခဲ့သည့် သြစတြေးလျနိုင်ငံ Tiwi ကျွန်းများပေါ်တွင် ယနေ့ နံနက် ၉ နာရီက ပျက်ကျခဲ့ကြောင်း သြစတြေးလျ မြောက်ပိုင်း နယ်မြေရဲမင်းကြီး မိုက်ကယ်မာဖီက ပြောကြားခဲ့ပါတယ်။
“သူတို့ကို ဆေးရုံဆီသို့ ဘေးကင်းစွာ ကုသဖို့ ကျွန်တော်တို့ တတ်နိုင်သမျှ လုပ်နေပါတယ်”လို့ Murphy က ပြောကြားခဲ့ပြီး သြစတြေးလျ ကာကွယ်ရေးတပ်ဖွဲ့နှင့် အမေရိကန် မရိန်းတပ်သားတို့ အဆိုပါ ရဟတ်ယာဥ် ပျက်ကျမှုတွင် ပူးပေါင်းပါဝင်ကယ်ဆယ်ရေးများပြုလုပ်ခဲ့ကြောင်း Murphy က ထပ်လောင်း ပြောကြားခဲ့ပါတယ်။
Exercise Predator’s Run 2023ပြုလုပ်နေစဥ် တွင် ဖြစ်ပွားခဲ့သော အဆိုပါ ရဟတ်ယာဥ်ပျက်ကျမှုတွင် သြစတြေးလျအမှုထမ်းများ မပါဝင်ခဲ့ကြောင်း လည်း ၀န်ကြီးချုပ် Anthony Albanese က ပြောကြားခဲ့ပြီး မတော်တဆမှုမှာ ဝမ်းနည်းမိကြောင်း ပြောကြားခဲ့ပါတယ်။