သြဂုတ် ၁၃
သောင်းရင်းမြစ်ကိုဖြတ်ပြီး မာစီဒီးထိုင်းကားတစ်စီးကို မြန်မာနိုင်ငံဖက်သို့ ခိုးကူးရန် ကြိုးစားစဉ် မအောင်မြင်ဘဲ တာဝန်ရှိသူများက အချိန်မီဖမ်းဆီးနိုင်ခဲ့ကြောင်း သိရသည်။
ထိုင်းနိုင်ငံ၊ တခ်ခရိုင်၊ မဲ့လမတ်မြို့နယ်၊ မဲ့လမတ်ကျေးရွာအုပ်စု၊ ရပ်ကွက်(၂)အနီး သောင်းရင်းမြစ်ဆိပ်( မဲ့နမ့်မွေ )ကမ်းတွင် စက်လှေအရှည်နှစ်စီးကို ယှဉ်ရပ်ပြီး မာစီးဒီး Benz S580e အမျိုးအစား ယာဉ်အမှတ် 8 กญ . 1009 BKK အနက်ရောင်ကို အိမ်နီးချင်း မြန်မာနိုင်ငံဘက်ကို တရားမဝင်ခိုးသယ်ရန် ကြိုးစားအားထုတ်နေချိန်တွင် မြို့တော်ဝန်နှင့် အုပ်ချုပ်ရေးအဖွဲ့များ၊ နယ်မြေလုံခြုံရေးတပ်ဖွဲ့ဝင်များက ဩဂုတ်လ ၉ ရက်နေ့က သတင်းအရဖမ်းဆီးရမိခဲ့ကြပါသည်။
ယခုအခါတွင်သောင်းရင်းမြစ်ရေသည် သာမာန်ချိန်ထက် မြစ်ရေလျှံတက်နေသဖြင့် စက်လှေပေါ်သို့ ကားတင်မရနိုင်ဘဲ ရှိနေချိန်တွင် အချိန်မီဖမ်းဆီးနိုင်ခဲ့ပြီး ကားသူခိုးဂိုဏ်များကို ကွင်းဆက်ဖော်ထုတ်နိုင်ရေးအတွက် ဥပဒေနှင့်အညီ စုံးစမ်းစစ်ဆေးမှုများပြုလုပ်သွားမည်ဖြစ်ကြောင်း သတင်းရရှိပါသည်။
#PAN