![](https://positiveanglenews.com/storage/2023/07/Photo_1688533487019.jpg)
![](https://positiveanglenews.com/storage/2023/07/Photo_1688533486835.jpg)
ဇူလိုင် ၅
ယမန်နေ့ ညနေ ၅ နာရီအချိန်ခန့်တွင် မန္တလေးတိုင်းဒေသကြီး၊ဝမ်းတွင်းမြို့နယ်၊ရုံးပင်ကုန်းကျေးရွာနှင့်ညောင်ပင်ကုန်းကျေးရွာကြား ဖြတ်လမ်းပေါ်တွင် ဝမ်းတွင်းမြို့နယ်၊ကန်ပတ် လည်ကျေးရွာဘက်မှနွားဝယ်ပြီး ဝမ်းတွင်းမြို့နယ်၊သုံးဒေါင့်အိုင်ကျေးရွာဘက်သို့ ဆိုင်ကယ်ဖြင့်ပြန်လာသော ဦးထီလာ၊၅၉နှစ်၊(ဘ)ဦးဖိုးရီ၊အုပ်ချုပ်ရေးမှုး၊သုံးဒေါင့်အိုင်ကျေးရွာ၊ဝမ်းတွင်းမြို့နယ်နေသူနှင့် ဦးနေမင်းထွန်း(ခ)ကိုမဲလေး၊၄၃နှစ်၊(ဘ)ဦးကျော်ညွန့်၊အုပ်ချုပ်ရေး ရွာခွဲတာဝန်ခံ၊သုံးဒေါင့်အိုင်ကျေးရွာ၊ဝမ်းတွင်းမြို့နယ်နေသူတို့ကို အမည်၊အင်အားစိစစ်ဆဲ လူသတ်အကြမ်းဖက်သောင်းကျန်းသူ PDF များက သေနတ်ဖြင့် ပစ်ခတ်သတ်ဖြတ်ခဲ့ကြောင်း သိရပါသည်။
ထိုသို့ သေနတ်ဖြင့် ပစ်ခတ်သတ်ဖြတ်မှုကြောင့် ဦးထီလာ တွင် ဝဲဘက် လက်ပြင်ဖောက်ဝင်ဒဏ်ရာ ၁ချက်၊ဝဲဘက် နောက်စေ့ ဖောက်ဝင်ဒဏ်ရာ ၁ချက်၊ယာ-နားထင် ဖောက်ဝင်ဒဏ်ရာ ၁ချက်၊ယာဘက် ဂုတ်ပိုး ဖောက်ဝင်ဒဏ်ရာ ၁ချက်၊ယာ-တင်ပါး ဖောက်ဝင်ဒဏ်ရာ ၁ ချက်၊ဝဲ-မျက်လုံး ဖောက်ဝင်ဒဏ်ရာ ၁ ချက်၊ယာဘက် နဖူး ဖောက်ဝင်ဒဏ်ရာ ၁ ချက်၊ဝဲဘက်ရင်အုံ ပေါက်ပြဲဒဏ်ရာ ၁ ချက်၊ဝမ်းဗိုက် ပေါက်ပြဲဒဏ်ရာ ၁ချက် ဖြင့်လည်းကောင်း၊ ဦးနေမင်းထွန်း(ခ)ကိုမဲလေး တွင် ယာ-တင်ပါး ဖောက်ဝင်ဒဏ်ရာ ၁ချက်၊ယာ-မျက်စိအောက် ဖောက်ဝင်ဒဏ်ရာ ၁ချက်၊ယာ-နားရွက်နောက် ဖောက်ဝင်ဒဏ်ရာ ၁ချက်ဖြင့်လည်းကောင်း သေဆုံးခဲ့ကြောင်းနှင့် အခင်းဖြစ်နေရာအနီးမှ 380 LUGER ငွေရောင် ကျည်ခွံ ၁၁ခု၊ကြေးရောင် ၃ခု၊ခဲရောင် ကျည်ထိပ်ဖူး ၁ ခုတို့အား တွေ့ရှိခဲ့ကြောင်း သတင်းရရှိပါသည်။
သေဆုံးသူ ဦးထီလာ နှင့် ဦးနေမင်းထွန်း (ခ) ကိုမဲလေး တို့သည် ပြည်ခိုင်ဖြိုးပါတီ ဝန်းရံသူများဖြစ်ကြောင်း သိရှိရပြီး ပြည်ပြေးအကြမ်းဖက်အဖွဲ့ NUG လက်ဝေခံ PDF အမည်ခံ အကြမ်း ဖက်သောင်းကျန်းသူများသည် ”ငါနဲ့မတူ ငါ့ရန်သူ” ဟူသော အကြမ်း ဖက်ဝါဒဖြင့် ၎င်းတို့နှင့် သဘောထားမတူသော လက်နက်မဲ့ ပြည်ခိုင်ဖြိုးပါတီဝင်များ၊ဝန်းရံသူ များနှင့် ၎င်းတို့၏ မိသားစုဝင်များကို လက်နက်အားကိုးဖြင့် ပစ်မှတ်ထားသတ်ဖြတ်နေကြကြောင်း သိရှိရပါသည်။
#PAN