![](https://positiveanglenews.com/storage/2023/06/IMG-b53be8e461b1f85d649018a30407da2c-V.jpg)
![](https://positiveanglenews.com/storage/2023/06/IMG-c0438af3338f2f821a7153c9c2c5bb59-V.jpg)
![](https://positiveanglenews.com/storage/2023/06/IMG-6198787540e87aad49a6bb157898fd2c-V.jpg)
ဇွန် ၁၉
ယနေ့ မွန်းလွဲ ၃ နာရီခွဲအချိန်ခန့်တွင် မကွေး တိုင်းဒေသကြီး၊အောင်လံခရိုင်၊အောင်လံမြို့နယ် တရော်ကုန်းရပ်ကွက်ရှိ မြို့နယ်လျှပ်စစ်ရုံး အနောက်ဖက်ခြမ်း ခြံစည်းရိုးအုတ်တံတိုင်းအနီးတွင် လက်လုပ်မိုင်း ၂ လုံးတွေ့ရှိကြောင်း သိရှိရပါသည်။
အဆိုပါ မိုင်းတွေ့ရှိရာနေရာသို့ နယ်မြေခံလုံခြုံရေးအဖွဲ့များက သွားရောက်ရှင်းလင်းရာ အလျား၂၄ လက်မ၊အချင်း ၃ လက်မရှိ သံပိုက် လုံးဖြင့်ပြုလုပ်ထားသော လက်လုပ်မိုင်း၂ လုံးကို ဆိုင်ကယ်ဘက္ထရီ(၁၂-V)တစ်လုံအား ဝါယာကြိုးနီ၊နက် ၁ ပေခန့်တို့ဖြင့် ချိတ်ဆက်ထားသည်ကို တွေ့ရှိရပါသည်။
နယ်မြေခံလုံခြုံရေးအဖွဲ့က ၎င်း မိုင်း၂ လုံးအား သက်မဲ့ပြုလုပ်၍ သိမ်းဆည်းသွားကြောင်းသတင်းရရှိပါသည်။
#PAN