(မှုခင်း) ဇူလိုင် ၁၀
ယင်းမာပင်ခရိုင်အမှတ် (၁၅) တပ်ရင်းမှူးထောက်ခံစာတဲ့ မူးယစ်ဆေးဝါးကုန်ကူးလာတဲ့ PDF အဖွဲ့ကို ဖမ်းဆီးလိုက်တယ်လို့ ချင်းလက်နက်ကိုင်အဖွဲ့ CDF ဟားခါးက ဒီနေ့ ဇူလိုင် ၁၀ ရက်မှာ ထုတ်ပြန်ပါတယ်။
NUG လက်အောက်ခံ အကြမ်းဖက်အဖွဲ့တွေထဲကတစ်ခုဖြစ်တဲ့ စစ်ကိုင်းတိုင်းဒေသကြီး ယင်းမာပင်ခရိုင် အမှတ်(၁၅) တပ်ရင်းမှူးရဲ့လက်မှတ်နဲ့ ဖလမ်းမြို့ကို မူးယစ်ဆေးဝါးအပြားရေ ၃ သန်းနီးပါးကိုသယ်ဆောင်လာ ဟားခါးမြို့နယ်အတွင်းမှာဖမ်းဆီးရမိလိုက်တာလို့ CDF ဟားခါးက ပြောပါတယ်။
စိတ်ကြွဆေးပြား ၃ သန်းခန့်၊ No.4 ခေါ် ဘိန်းဖြူ ၁၁၀ ကီလိုဂရမ်ခန့်ကို ယင်းမာပင်ခရိုင် အမှတ်(၁၅) တပ်ရင်းမှူး ထောက်ခံစာနဲ့ ဖလမ်းမြို့နယ်၊ ဗားရ်တံတားကို Hilux အမျိုးအစားမော်တော်ယာဉ်အပါအဝင် Forland ကားတွေနဲ့ သယ်ဆောင်လာခဲ့ကြတာလို့လည်း ဆိုပါတယ်။
ဇူလိုင် ၈ ရက်နေ့က ဟားခါးမြို့နယ်အတွင်းမှာ ဖမ်းဆီးရမိခဲ့တာဖြစ်ပြီး အဆိုပါမူးယစ်ဆေးဝါးတွေနဲ့အတူ PDF ၃ ဦး မောင်းပြန် သေနက်(၂)လက်၊ Mini Starlink(၂)ခု ယာဉ်မောင်း ၁ ဦးနဲ့ စပယ်ယာ ၁ ဦးတို့ကိုဖမ်းဆီးနိုင်ခဲ့ပေမယ့် မူးယစ်ဆေးဝါးသယ်ယူပို့ဆောင်ရေးတာဝန်ခံဖြစ်တဲ့ မောင်ဇော်လတ် ခေါ် ဦးဝင်းမော် ကိုပုတီး ခေါ် ဦးကျော်မင်းဇော် တို့ကတော့ ထွက်ပြေးသွားလို့ လွတ်မြောက်နေတယ်လို့ ထုတ်ပြန်ပါတယ်။
ဖမ်းဆီးရမိခဲ့တဲ့ မူးယစ်ဆေးဝါးနဲ့ စိတ်ကိုပြောင်းလဲစေတဲ့ဆေးဝါးတွေကို ၂၀၂၅ ခုနှစ်၊ ဇူလိုင် ၉ ရက်က မီးရှို့ ဖျက်ဆီးခဲ့ပြီး ဖမ်းဆီးရမိထားသတွေကို ဥပဒေအတိုင်း အရေးယူသွားမယ့်အပြင် ဟားခါးမြို့နယ်အတွင်း မူးယစ်ဆေးဝါးနဲ့စိတ်ကိုပြောင်းလဲစေတဲ့ ဆေးဝါးတွေထုတ်လုပ်ခြင်း၊ ဖြန့်ဖြူးခြင်း၊ ရောင်းချခြင်း၊ သုံးစွဲခြင်းနဲ့ သယ်ယူပို့ဆောင်ခြင်းတွေ ထပ်မံတွေ့ရှိပါက ထိရောက်စွာ အရေးယူသွားမယ်လို့ CDF ဟားခါးက ထုတ်ပြန်ထားပါတယ်။