(နိုင်ငံတကာ) မေ ၇
ယီမင်နိုင်ငံမြို့တော်ဆာနာနှင့်မြောက်ပိုင်းခရိုင်အမ်ရန်ကို အစ္စရေးတပ်မတော်က လေကြောင်းမှ မေလ ၆ ရက် တွင် တိုက်ခိုက်ခဲ့ကြောင်း သိရသည်။ တိုက်ခိုက်မှုအပြီးတွင် မြို့တော်ဆာနာနှင့် အမ်ရန်ခရိုင်တို့တွင် အနက်ရောင်မီးခိုးများ ထူထပ်စွာတက်လာသည်ကို တွေ့မြင်ရကြောင်း ဒေသခံမျက်မြင်သက်သေများက ပြောသည်။
ဆာနာတွင် တိုက်ခိုက်မှုများသည် ဆာနာအပြည်ပြည်ဆိုင်ရာ လေဆိပ်၊ ဓာတ်အားပေးစက်ရုံနှင့် စစ်ဘက် နေရာနှစ်ခုကို ထိမှန်ခဲ့သည်။ မြို့တော်၏ မြောက်ဘက် ကီလိုမီတာ ၆၀ ခန့်အကွာ အမ်ရမ် ခရိုင်တွင်လည်း အစ္စရေး၏ လေကြောင်းတိုက်ခိုက်မှုများက ကွန်ကရစ်စက်ရုံတစ်ရုံကို ပစ်မှတ်ထားခဲ့ကြောင်း သိရသည်။
ဆာနာလေဆိပ်ကို အသုံးပြု၍ မရတော့ကြောင်း အစ္စရေး တပ်မတော်က အတည်ပြုခဲ့သည်။ ၎င်း တိုက်ခိုက်မှုမဖြစ်မီ မိနစ်ပိုင်းအလိုတွင် အစ္စရေးတပ်မတော်မှ ပြောရေးဆိုခွင့်ရှိသူတစ်ဦးက ဆိုရှယ်မီဒီယာ ပလက်ဖောင်း အိတ်စ်တွင် သတိပေးချက်ထုတ်ပြန်ခဲ့ပြီး ယင်းဒေသရှိ အရပ်သားများကို ချက်ချင်း ဘေးလွတ်ရာသို့ ရွှေ့ပြောင်းရန် တိုက်တွန်းခဲ့သည်ဟု ဆင်ဟွာသတင်းဌာန ဖော်ပြချက်အရ သိရသည်။
Telegram»…
https://t.me/positiveanglenews