(မှုခင်း) ဧပြီ ၂၅
ကချင်ပြည်နယ်၊ မြစ်ကြီးနားမြို့၊ တပ်ကုန်းရပ်ကွက်၊ နယ်မြေ(၇)၊ လမ်းသွယ်(၅)ရှိ ဦးယောဆာဆာ၏ နေအိမ်တွင် မီးလောင်မှုဖြစ်ပွားကြောင်း သိရသည်။
ကချင်ပြည်နယ်၊ မြစ်ကြီးနားမြို့၊ တပ်ကုန်းရပ်ကွက်၊ နယ်မြေ(၇)၊ လမ်းသွယ်(၅)ရှိ ပိုင်ရှင် ဦးယောဆာဆာ၏ (၂၄x၁၆)ပေ၊ သွပ်မိုး၊ ကျောက်ပြားကာ၊ ပျဉ်ခင်း(၂)ထပ် နေအိမ်အပေါ်ထပ်တွင် ဧပြီလ ၂၄ ရက်နေ့၊ ညနေ ၄ နာရီအချိန်ခန့်က လျှပ်စစ်မိန်းခုံ အပူလွန်ကဲရာမှ အနီးရှိ အခန်းစီးလိုက်ကာသို့ မီးကူးစက်လောင်ကျွမ်းမှုဖြစ်ပွားခဲ့ကြောင်း သိရသည်။
အဆိုပါမီးလောင်သည့်နေရာသို့ မီးငြှိမ်းသတ်ယာဉ်(၂)စီး၊ ရေသယ်ယာဉ်(၂)စီးတို့ဖြင့် သွားရောက်ငြှိမ်းသတ်ခဲ့ရာ ညနေ ၄ နာရီ ၂၀ မိနစ် အချိန်တွင် မီးငြိမ်းသွားခဲ့ကြောင်းသိရသည်။