(နိုင်ငံတကာ) ဖေဖော်ဝါရီ ၁၈
ဘိုလီးဗီးယားနိုင်ငံရှိ တောင်တက်လမ်းတစ်ခုတွင် ဘတ်စ်ကားတိမ်းမှောက်မှုကြောင့် လူ ၃၀ ကျော်သေဆုံးခဲ့ကြောင်း ရဲတပ်ဖွဲ့ကဆိုသည်။
ယိုကယ်လာခရိုင်၏ အနောက်တောင်ပိုင်းရှိ ပေ ၂၆၀၀ ကျော်ရှိသည့် တောင်တက်လမ်းတွင် ယာဉ်စက်ချို့ယွင်းကာ ယာဉ်မောင်းမှ မထိန်းချုပ်နိုင်တော့ပဲ တိမ်းမှောက်ခဲ့သည်ဟု အရာရှိတစ်ဦးကဆိုသည်။
အဆိုပါ ယာဉ်တိမ်းမှောက်မှုတွင် လူ ၃၀ ကျော်သေဆုံးပြီး ကလေးငယ် ၄ ဦးအပါအဝင် ၁၄ ဦး ဒဏ်ရာရရှိခဲ့ကြောင်း ဒေသတွင်း ဆေးရုံမှ တာဝန်ရှိသူတစ်ဦးကဆိုသည်။
ဘိုလီးဗီးယားနိုင်ငံ၏ တောတောင်ထူထပ်သော ဒေသများတွင် အလွန်အန္တရာယ်များသည့် လမ်းများဖောက်လုပ်ထားသည်။
၎င်း ယာဉ်မတော်တဆမှုသည် ယခုနှစ်အတွင်း တောင်အမေရိကတွင်အဆိုးရွားဆုံးသော ယာဉ်မတော်တဆမှုဖြစ်ခဲ့ကြောင်းသိရသည်။
Telegram»…
https://t.me/positiveanglenews