သြစတြေးလျဓာတ်ခွဲခန်းမှ သေစေနိုင်သောဗိုင်းရပ်စ်များ ပျောက်ဆုံးနေကြောင်း ထိုင်းဆရာဝန်က သတိပေး

(နိုင်ငံတကာ) ဒီဇင်ဘာ ၁၂

     ထင်ရှားသော ထိုင်းအာရုံကြောဗေဒ ပညာရှင် ဒေါက်တာ Thiravat Hemachudha သည် သြစတြေးလျဓာတ်ခွဲခန်းမှ ဗိုင်းရပ်စ်များ ပါဝင်သော ဓာတ်ခွဲခန်းပြွန် ၃၀၀ ကျော် ပျောက်ဆုံးမှုနှင့်ပတ်သက်၍ စိုးရိမ်ပူပန်မှုများကို ထုတ်ဖော်ခဲ့သည်။ 

    Hendra virus၊ Lyssavirus နှင့် Hantavirus အပါ အဝင် ပျောက်ဆုံးနေသော ဗိုင်းရပ်စ်များကို BSL-4 ရောဂါပိုးများအဖြစ် ခွဲခြားသတ်မှတ်ထားပြီး ဇီဝလုံခြုံမှု အမြင့်ဆုံးအဆင့်ကို ထိန်းချုပ်ရန် လိုအပ်ပါသည်။

     Thiravat ၏ ဆိုရှယ်မီဒီယာ ပို့စ်တွင် အဆိုပါ ကူးစက်တတ်သော ပစ္စည်းများများ ဆုံးရှုံးခြင်းနှင့် ဆက် စပ်နိုင်သည့် အလားအလာများကို မီးမောင်းထိုးပြထားသည်။  အဆိုပါ ဗိုင်းရပ်စ်များ မသမာသူလက်သို့ ကျရောက်နိုင်ခြေ သို့မဟုတ် အန္တရာယ်ရှိသော ရည် ရွယ်ချက်များအတွက် အသုံးပြုခံရမည်ကို စိုးရိမ်ကြောင်း ၎င်းက ပြောကြားခဲ့သည်။

     ထိုအဖြစ်အပျက်သည် မော်လီကျူးဗိုင်းရပ်စ်ဗေဒသုတေသီ Anan Jongkaewwattana အပါအဝင် အခြားကျွမ်းကျင်သူများအကြား ဆွေးနွေးမှုဖြစ်ပွားခဲ့သည်။  Anan သည် Thiravat ၏စိုးရိမ်မှုများကို ပဲ့တင်ထပ်ကာ သြစတြေးလျဓာတ်ခွဲခန်းရှိ လုံခြုံရေးဆိုင်ရာ သဘောတူမှတ်တမ်းများနှင့် ပျောက်ဆုံးနေသော ဗိုင်းရပ်စ်များ၏ အလားအလာများကို မေးမြန်းခဲ့သည်။

      ကျွမ်းကျင်သူနှစ်ဦးစလုံးက အဆိုပါကိစ္စနှင့် ပတ် သက်၍ စေ့စေ့စပ်စပ် စုံစမ်းစစ်ဆေးရန် တောင်းဆိုထားပြီး ဖြစ်နိုင်ခြေရှိသော အန္တရာယ်များကို တားဆီးရန် အာဏာပိုင်များကို ချက်ခြင်း အရေးယူရန် တိုက် တွန်းထားသည်။ 

      အထူးသဖြင့် လတ်တလော ကမ္ဘာလုံးဆိုင်ရာ ကျန်းမာရေး အကျပ်အတည်းများအတွင်း အန္တရာယ်ရှိသော ရောဂါပိုးများကို ကိုင်တွယ်သိမ်းဆည်းခြင်းနှင့် သိုလှောင်ခြင်းတွင် သတိ ထားရန် လိုအပ်ကြောင်းကိုလည်း ၎င်းတို့က မီးမောင်းထိုးပြခဲ့သည်ဟု The Nation သတင်းတွင် ဖော်ပြခဲ့သည်။

#PAN